ᐱᓕᕆᐊᖑᔪᑦ ᐊᒻᒪ ᐱᔨᑦᑎᕋᐅᑏᑦ
ᐱᒋᐊᕐᕕᒃᒥᑦ ᖁᕝᕙᖅᐸᓪᓕᐊᓂᕐᒧᑦ: ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐ (BBDC) ᐱᓇᓱᐊᒐᖓ ᓇᖕᒥᓂᖅ ᐱᓕᕆᐊᓂ ᐱᕈᖅᐸᓪᓕᐊᑎᑦᑎᓂᒃᑯᑦ
ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᐱᓕᕆᖃᓗᐊᖅᐸᒃᑐᑦ ᐱᔭᕆᐊᑭᓪᓕᑎᕆᔪᒪᓪᓗᑎᒃ ᓯᕗᒧᐊᒃᐸᓪᓕᐊᒍᑎᖏᓐᓂᑦ ᐊᒻᒪ ᐊᖏᒡᓕᒋᐊᕈᒪᔪᓂᑦ ᓇᖕᒥᓂᖃᖅᑎᓂᑦ ᕿᑭᖅᑕᓂ ᓄᓇᓕᖏᓐᓂᑦ. ᓇᖕᒥᓂᓕᕆᓂᒃᑯᑦ ᐱᔨᑦᑎᕋᕐᓂᖅ, ᐊᑐᖅᑐᐊᑎᑦᑎᓂᖅ, ᐊᒻᒪ ᐅᖃᖃᑕᐅᔪᓐᓇᖅᖢᑎᒃ ᐱᓕᕆᔨᖏᑦ, ᐱᓕᕆᐊᖃᕈᒪᑐᐃᓐᓇᖅᑐᒍᑦ ᐱᓕᕆᐊᒃᓴᑦᑎᓐᓂᑦ ᐃᑲᔪᖅᓱᐃᕙᒡᓗᑕ ᐱᕙᓪᓕᐊᓂᖏᓐᓂᑦ ᐊᒻᒪ ᐱᕈᖅᐸᓪᓕᐊᓂᖏᑦ ᑮᓇᐅᔭᓕᐅᕈᑎᐅᔪᑦ.
ᓯᕗᒧᑦ ᑕᐅᑐᒡᓗᖑ ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᓐᑯ (BBDC) ᓱᖁᓯᕐᓯᒪᙱᓚᑦ ᐱᓇᓱᐊᖅᑕᖏᓐᓂ ᐃᑲᔪᖅᑐᐃᓂᕐᒥ ᐃᓄᖕᓂ ᓇᖕᒥᓂᖅ ᐱᓕᕆᐊᖃᕋᓱᒃᑐᓂᒃ ᐊᒻᒪ ᓄᓇᕗᒥᑦ ᑮᓇᐅᔭᓕᐅᕋᓱᒃᑎᐅᕙᒃᑐᓂᒃ. ᐱᓕᕆᔾᔪᑎᖃᖅᑎᑦᑎᓪᓗᑎ, ᐱᒋᐊᕈᑎᒃᓴᖏᓐᓂᒃ ᐊᒻᒪᓗ ᑐᑭᒧᐊᖅᑎᑦᑎᓪᓗᑎ ᐱᒋᐊᓕᓵᖅᑐᓂᒃ ᓇᖕᒥᓂᖅ ᐱᓕᕆᐊᖏᑦ ᐱᕙᓪᓕᐊᓂᐊᕐᒪᑕ, ᑕᐃᒪᓕ ᐃᑲᔪᖃᑦᑕᖅᑐᒍᑦ ᐱᔨᑦᑎᕋᖅᑕᕗᑦ ᐱᕈᖅᐸᓪᓕᐊᓂᖏᑦᑎᒍᑦ ᐱᓕᕆᐊᖃᕈᓐᓇᕐᓯᓂᒃᑯᑦ ᐊᒻᒪ ᐱᕙᓪᓕᐊᓂᕐᒥ – ᑕᐃᒪᓐᓇᓗ ᓄᓇᕗᒥᑦ ᑮᓇᐅᔭᓕᐅᕈᑎᐅᓇᓱᒃᑐᑦ ᓴᙱᑎᓐᓂᕐᓴᐅᓪᓗᑎᒍᑦ.
ᐊᐱᖅᑯᑎᖃᖅᐱᑦ?
ᐱᓕᕆᐊᖑᔪᑦ ᐊᒻᒪ ᐱᔨᑦᑎᕋᐅᑏᑦ
ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᐱᓕᕆᖃᓗᐊᖅᐸᒃᑐᑦ ᐱᔭᕆᐊᑭᓪᓕᑎᕆᔪᒪᓪᓗᑎᒃ ᓯᕗᒧᐊᒃᐸᓪᓕᐊᒍᑎᖏᓐᓂᑦ ᐊᒻᒪ ᐊᖏᒡᓕᒋᐊᕈᒪᔪᓂᑦ ᓇᖕᒥᓂᖃᖅᑎᓂᑦ ᕿᑭᖅᑕᓂ ᓄᓇᓕᖏᓐᓂᑦ.
ᐅᑯᓂᖓ ᐱᓕᕆᐊᖑᔪᓂ ᐊᒻᒪᓗ ᐱᔨᑦᑎᕋᐅᑎᓂ ᑲᒪᒋᔭᖃᖅᑐᒍᑦ:
ᓇᖕᒥᓂᕐᒥ ᐱᕙᓪᓕᐊᑎᑦᑎᓂᕐᒧᑦ ᐊᑐᖅᑐᐊᕈᑏᑦ ᐊᒻᒪᓗ ᓇᓗᓇᐃᒃᑯᑏᑦ
ᐊᑭᓕᖅᑕᐅᔪᓐᓇᖅᑐᓂ ᐊᑐᖅᑐᐊᒐᓂ ᐊᒻᒪᓗ ᐊᑐᖅᑐᐊᕐᓂᕐᒧᑦ ᓇᓗᓇᐃᒃᑯᑎᓂ ᐊᑐᖅᑎᑦᑎᕙᒃᑐᑦ $250,000−ᓄᑦ ᑎᑭᒍᓐᓇᖅᑐᓂᑦ ᐃᑲᔪᖁᓪᓗᒋᑦ ᐱᕙᓪᓕᐊᑎᑦᑎᓂᕐᒥ ᐊᒻᒪᓗ ᐱᕈᖅᐸᓪᓕᐊᓂᕐᒥ ᐅᓄᖏᑦᑑᔪᓂ ᓇᖕᒥᓂᐅᔪᓂ.
ᓇᖕᒥᓂᕐᓄᑦ ᐃᑲᔪᕐᓂᖅ ᐊᒻᒪᓗ ᐅᖃᖃᑎᒌᖕᓂᖅ
ᐃᓚᒌᖁᑎᕗᑦ ᐃᑲᔪᖃᑦᑕᖅᑐᑦ ᓇᖕᒥᓂᐅᔪᓂᑦ ᐃᓱᒪᒋᔭᐅᔪᓂᑦ ᐱᕙᓪᓕᐊᑎᑦᑎᓂᕐᒥ, ᐱᒋᐊᖅᑎᑦᑎᓪᓗᑎᒃ ᓇᖕᒥᓂᐅᔪᓂ ᓴᖅᑭᑎᑦᑎᓂᕐᒥ, ᐊᖏᒡᓕᒋᐊᕐᓂᕐᒥ ᓇᖕᒥᓂᐅᔪᓄᑦ ᒪᑭᑕᕙᒌᖅᑐᓄᑦ, ᐊᒻᒪᓗ ᓇᖕᒥᓂᕐᒧᑦ ᑐᓗᖅᑕᕈᑎᓂᑦ ᐋᖅᑭᒃᓱᐃᓂᕐᒥ.
ᒪᒃᑯᒃᑐᑦ ᓇᖕᒥᓂᖃᖃᑕᐅᔪᑦ ᐃᑲᔪᕐᓂᖅ
ᐊᖏᖅᓯᒪᔪᒍᑦ ᐃᑲᔪᖅᓱᐃᓗᑕ ᒪᒃᑯᒃᑐᓂᑦ ᓇᖕᒥᓂᖃᖃᑕᐅᔪᓂ ᐃᒪᐃᓕᐅᕐᓗᑕ ᐃᑲᔪᖅᑎᑖᖅᑎᓪᓗᒍ ᐊᒻᒪᓗ ᐃᓅᓱᒃᑐᑦ ᓇᖕᒥᓂᖃᖅᑐᑦ ᐃᑲᔪᕐᓗᒋᑦ.
ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓇᖕᒥᓂᖃᕐᓂᖏᑦ (IWE) ᐱᓕᕆᐊᖑᔪᖅ
ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓇᖕᒥᓂᖃᕐᓂᖏᑦ (IWE) ᑮᓇᐅᔭᑦ ᐊᑐᖅᑐᐊᕈᑏᑦ ᑐᕌᖓᔪᑦ ᐃᑲᔪᕈᒪᓪᓗᑎᒃ ᐃᓄᖕᓂᒃ, ᐊᓪᓚᓂᑦ, ᐊᒻᒪ ᐊᓪᓚᖓᔪᓂᑦ ᐊᕐᓇᓂᑦ ᐱᒋᐊᕈᑎᖃᕐᓂᕐᒥᑦ, ᐊᖏᒡᓕᒋᐊᖅᑎᑦᑎᓂᕐᒥᑦ, ᐅᕝᕙᓘᓐᓃᑦ ᐃᓚᓯᓂᕐᒥᑦ ᓇᖕᒥᓂᖁᑎᖏᓐᓂᒃ. ᑖᒃᑯᐊ ᑮᓇᐅᔭᑦ ᑐᓂᓯᓲᑦ ᐊᑐᐃᓐᓇᐅᑎᑦᑎᓂᕐᒥᑦ, ᐊᑲᐅᓈᖅᑐᒃᑯᑦ ᑮᓇᐅᔭᖃᖅᑎᑦᑎᓂᕐᒥᑦ ᐊᒻᒪ ᐃᑲᔪᖅᓱᐃᓂᕐᒥᑦ ᓴᙱᓂᖅᑖᖁᓪᓗᒋᑦ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᓴᖅᑮᖁᓪᓗᒋᑦ ᓴᙱᔪᓂᑦ, ᒪᑭᒪᑦᑎᐊᖅᑐᓂᑦ ᓇᖕᒥᓂᖁᑎᖏᓐᓂᒃ ᓴᙱᓂᖅᑖᖅᑎᑦᑎᔪᓂᑦ ᓄᓇᓕᖏᓐᓂᒃ.
ᑐᕌᖅᑎᑦᑎᓂᕐᒥ ᐊᒻᒪᓗ ᐊᐅᓚᑦᑎᓂᕐᒥ ᐱᔨᑦᑎᕋᕐᓂᖅ
ᖃᐅᔨᖃᑎᒌᓕᕐᓂᕐᒥ ᐊᓯᖏᓐᓂ ᑮᓇᐅᔭᒃᓴᓂ ᐱᓕᕆᔨᐅᔪᓂᑦ ᐊᒻᒪᓗ ᑮᓇᐅᔭᓕᕆᔨᐅᔪᓂ ᐊᐅᓚᑦᑎᖃᑦᑕᖅᑐᒍᑦ ᐱᔨᑦᑎᖅᑕᕗᑦ ᖃᐅᔨᒪᖁᓪᓗᑕ ᐃᓗᐃᑦᑐᒥ ᐃᑲᔪᖅᑕᐅᓂᖏᓐᓂ.
ᓇᖕᒥᓂᕐᓄᑦ ᐊᑐᐊᒐᕐᓂᒃ ᐱᕙᓪᓕᐊᑎᑦᑎᓂᖅ ᐊᒻᒪᓗ ᑭᒡᒐᖅᑐᐃᓂᖅ
ᐱᓕᕆᖃᑎᖃᖃᑦᑕᖅᑐᒍᑦ ᐊᑐᐊᒐᓂ ᐱᕙᓪᓕᐊᑎᑦᑎᓂᕐᒥ, ᐊᓯᔾᔨᖁᔨᓂᕐᒥ, ᑭᒡᒐᖅᑐᐃᓂᕐᒥ, ᐊᒻᒪᓗ ᑐᓴᐅᒪᖃᑎᒌᖕᓂᕐᒥ ᐃᑲᔪᖁᓪᓗᒋᑦ ᓇᖕᒥᓂᐅᔪᑦ ᐱᓕᕆᕝᕕᖓᓂ ᐱᓕᕆᑦᑎᐊᖅᑐᓂ ᑕᒪᐃᓐᓂ ᓄᓇᓕᓕᒫᓂ.
ᐱᓕᒻᒪᒃᓴᓂᕐᒧᑦ ᐱᓕᕆᐊᖑᔪᑦ ᓇᖕᒥᓂᖃᕐᓂᕐᒥ ᐱᔨᑦᑎᖅᑕᑦᑎᓐᓄᑦ
ᐱᓕᒻᒪᒃᓴᕐᓂᕐᒧᑦ ᐱᓕᕆᐊᒃᓴᓂ ᐃᓕᓐᓂᐊᖅᑎᑦᑎᕙᒃᑐᒍᑦ ᐱᔨᑦᑎᖅᑕᕗᑦ ᐱᔪᓐᓇᕐᓂᐅᔪᓂ ᐊᒻᒪᓗ ᖃᐅᔨᒪᓂᐅᔪᓂ ᖃᐅᔨᒪᔭᕆᐊᖃᖅᑐᓂ ᖃᐅᔨᑎᖦᖢᒍ ᓇᖕᒥᓂᕆᔭᖏᓐᓂ ᐱᓕᕆᑦᑎᐊᕈᓐᓇᖅᓯᖁᓪᓗᒋᑦ.
