ᐅᕙᑦᑎᓐᓂ ᒥᒃᓵᓄᑦ
ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᑦ
ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᐱᓕᕆᖃᓗᐊᖅᐸᒃᑐᑦ ᐱᔭᕆᐊᑭᓪᓕᑎᕆᔪᒪᓪᓗᑎᒃ ᓯᕗᒧᐊᒃᐸᓪᓕᐊᒍᑎᖏᓐᓂᑦ ᐊᒻᒪ ᐊᖏᒡᓕᒋᐊᕈᒪᔪᓂᑦ ᓇᖕᒥᓂᖃᖅᑎᓂᑦ ᕿᑭᖅᑕᓂ ᓄᓇᓕᖏᓐᓂᑦ. ᓇᖕᒥᓂᓕᕆᓂᒃᑯᑦ ᐱᔨᑦᑎᕋᕐᓂᖅ, ᐊᑐᖅᑐᐊᑎᑦᑎᓂᖅ, ᐊᒻᒪ ᐅᖃᖃᑕᐅᔪᓐᓇᖅᖢᑎᒃ ᐱᓕᕆᔨᖏᑦ, ᐱᓕᕆᐊᖃᕈᒪᑐᐃᓐᓇᖅᑐᒍᑦ ᐱᓕᕆᐊᒃᓴᑦᑎᓐᓂᑦ ᐃᑲᔪᖅᓱᐃᕙᒡᓗᑕ ᐱᕙᓪᓕᐊᓂᖏᓐᓂᑦ ᐊᒻᒪ ᐱᕈᖅᐸᓪᓕᐊᓂᖏᑦ ᑮᓇᐅᔭᓕᐅᕈᑎᐅᔪᑦ.
ᐱᒻᒪᕆᐅᑎᑕᕗᑦ
ᐅᑯᓇᓂ ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ, ᐊᑐᐊᒐᖃᖅᑎᑕᐅᕙᒃᑐᒍᑦ ᐅᑯᓄᖓ ᐱᓕᕆᔾᔪᑎᓄᑦ:
ᐱᔪᓐᓇᓕᖅᑎᑦᑎᕙᒃᖢᑕ ᑭᒃᑯᑐᐃᓐᓇᕐᓂᑦ ᐊᒻᒪ ᓇᖕᒥᓂᖃᖅᑎᓂᑦ ᐃᖕᒥᓂᒃ ᑕᑎᒋᔪᓐᓇᓕᖁᓪᓗᒋᑦ ᐱᔪᓐᓇᕐᓂᖏᓐᓂᑦ ᐊᒻᒪ ᑲᔪᓯᔪᓐᓇᖁᓪᓗᒋᑦ ᐅᕙᒍᑦ ᐃᑲᔪᖅᓱᐃᔾᔪᑎᒋᕙᒃᑕᖏᒍᑦ.
ᖃᐅᔨᒪᓇᓱᐊᖅᐸᒃᖢᑕ ᐱᒻᒪᕆᐅᓂᖏᓐᓂᑦ ᑕᒪᒃᑮᒃ ᐱᖅᑯᓯᑐᖃᒃᑯᑦ ᐊᒻᒪ ᐱᖅᑯᓯᑐᖃᐅᖏᑦᑐᒃᑯᑦ ᑮᓇᐅᔭᓕᐅᕈᑎᓕᕆᔾᔪᑎᓂᑦ, ᐊᒻᒪᑦᑕᐅᖅ ᓄᓇᓖᑦ ᐃᓚᒋᔭᐅᒋᐊᖃᖅᐸᖕᓂᖏᓐᓂᑦ ᐱᐅᓯᑎᑦᑎᕆᐊᕐᓂᒃᑯᑦ ᖃᓄᐃᑦᑑᔾᔪᓯᖏᓐᓂᑦ ᐃᓅᓯᕆᕙᒃᑕᖏᑕ ᕿᑭᖅᑕᓂᕐᒥᐅᑕᐃᑦ.
ᖃᐅᔨᒪᓪᓗᒋᑦ ᑭᒃᑯᑐᐃᓐᓇᐃᑦ ᐱᒻᒪᕆᐅᔪᓂᑦ ᐊᑑᑎᖃᖅᐸᖕᓂᖏᓐᓂᑦ ᖃᑭᔪᖃᕋᓱᒃᑎᓪᓗᒍ ᐱᕙᓪᓕᐊᑎᑦᑎᓂᒃᑯᑦ ᓇᖕᒥᓂᕆᔭᐅᔪᓂᑦ.
ᐃᒃᐱᒋᑦᑎᐊᕋᓱᒃᐸᒃᖢᒋᑦ ᐊᒻᒪ ᐊᓯᐅᑎᑦᑕᐃᓕᒪᓪᓗᒋᑦ ᑲᙳᓇᖅᑐᓕᕆᔾᔪᑎᐅᔪᑦ ᐊᒻᒪ ᖃᐅᔨᓴᑦᑎᐊᖅᐸᒃᖢᒋᑦ ᐱᔨᑦᑎᕋᐅᑎᒋᔭᑦᑕ ᑐᑭᓯᒋᐊᕈᑎᖏᑦ ᐊᑕᐅᑦᑎᒃᑯᑦ ᒪᑭᒪᑎᑦᑎᕙᒃᖢᑕ ᐃᒃᐱᒋᔭᐅᑦᑎᐊᕆᐊᖃᕐᓂᖏᓐᓂᑦ ᐊᑐᖅᑕᖏᒍᑦ.
ᐃᒃᐱᒋᔭᐅᑦᑎᐊᖅᖢᑕ ᐃᓕᖅᑯᓯᑎᒍᑦ ᐊᓐᓂᕆᔭᐅᔪᓂᑦ ᐱᓪᓗᐊᑕᐅᔪᓂᑦ ᕿᑭᖅᑕᓂ ᓄᓇᓕᖃᕐᕕᖕᒥ.
ᐊᐅᓚᑎᑉᐸᒃᖢᒋᑦ ᐊᐅᓚᑦᑎᔾᔪᑎᕗᑦ ᑕᑯᒃᓴᐅᓯᐊᖅᖢᑕ, ᑭᒡᒐᖅᑐᐃᑦᑎᐊᖅᖢᑕ, ᐊᒻᒪ ᐱᓕᕆᑦᑎᐊᕋᓱᒃᐸᒃᖢᑕ.
ᐃᓵᒃᓯᒪᕙᒃᖢᑕ ᐅᓗᕆᐊᓇᐅᑎᖃᕐᓂᖅᓴᐅᕙᒃᑐᓂᑦ ᑕᑯᓐᓇᖅᖢᒋᑦ ᑮᓇᐅᔭᓕᐅᖅᑏᑦ ᑮᓇᐅᔭᓕᕆᓂᕐᒥᑦ ᐱᓕᕆᕝᕕᐅᕙᒃᑐᑦ ᓇᖕᒥᓂᖃᐅᑎᑖᕈᒪᔪᑦ ᐱᔪᓐᓇᖁᓪᓗᒋᑦ.
ᑲᑐᔾᔨᖃᑎᖃᖅᐸᒃᖢᑕ ᑲᑐᔾᔨᖃᑕᐅᔪᓂᑦ ᑲᑐᔾᔨᖃᑎᒌᓂᑦ ᓇᓗᓇᐃᔭᐃᓂᕐᒥᑦ ᓴᖅᑭᒃᐸᓪᓕᐊᔪᓂᑦ ᓇᖕᒥᓂᖃᐅᑎᐅᔪᓐᓇᖅᑐᓂᑦ ᐊᒻᒪ ᐅᕙᑦᑎᓐᓂᑦ ᖃᓄᐃᓕᖓᑎᒐᓱᒃᐸᒃᖢᑕ ᐱᕙᓪᓕᐅᑎᑦᑎᐊᖅᑐᒃᑯᑦ ᐱᓕᕆᐊᖃᕈᒪᓪᓗᑕ.
ᑲᑎᒪᔩᑦ
ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᐃᓗᓕᓪᓗᐊᑕᕆᔭᖓ ᐊᕕᒃᑐᖅᓯᒪᔪᓂ ᐱᓕᕆᐊᖃᕐᓂᖅ, ᐊᕐᕕᓂᓕᖕᓂ−ᐃᓚᒌᖑᔪᓂ ᑲᑎᒪᔨᓂᑦ. ᑖᒃᑯᐊ ᐱᔪᒪᓂᖃᖅᑐᑦ ᐊᑭᓕᖅᓱᖅᑕᐅᖏᑦᑐᑦ ᓇᖕᒥᓂᖃᕐᓂᕐᒧᑦ ᐊᒃᓱᐊᓗᒃ ᖃᐅᔨᒪᓂᖃᖅᑐᑦ, ᐊᒻᒪᓗ ᑐᓗᖅᑕᕈᑎᐅᔪᓂ ᐊᔾᔨᒌᖏᑦᑐᓂ ᐊᑐᖅᑕᐅᕙᒃᑐᓂ ᕿᑭᖅᑕᓂ ᐊᕕᒃᑐᖅᓯᒪᔭᖓᓂ, ᑲᑎᔾᔨᖃᑎᒌᖁᑎᕗᑦ ᑐᕌᖅᑎᑕᐅᓪᓗᓂ ᑲᔪᓯᔪᒥᒃ ᐱᓕᕆᑦᑎᐊᕐᓂᐅᔪᒧᑦ.
ᒐᕙᒪᓕᕆᓂᖅ:
6 ᑲᑎᒪᔩᑦ ᐊᑕᐅᑦᑎᒃᑰᖅᑕᙱᖦᖢᑎᒃ ᐱᖓᓱᓂ ᐊᕐᕌᒍᓂ
ᐃᒃᓯᕙᐅᑕᖅ – ᐃᖃᓗᐃᑦ
ᑎᑎᕋᖅᑎ/ᑮᓇᐅᔭᓕᕆᔨ – ᐃᖃᓗᐃᑦ
ᑲᑎᒪᔨ – ᐸᓐᓂᖅᑑᖅ
ᐃᒃᓯᕙᐅᑕᐅᑉ ᑐᒡᓕᖓ – ᐃᒃᐱᐊᕐᔪᒃ
ᑲᑎᒪᔨ – ᐃᖃᓗᐃᑦ
ᑲᑎᒪᔨ – ᓴᓂᕋᔭᒃ
ᐃᖅᑲᓇᐃᔭᖅᑏᑦ
ᐃᖅᑲᓇᐃᔭᖅᑎᕗᑦ ᐊᖏᖅᓯᒪᔪᑦ ᐱᓕᕆᑦᑎᐊᖅᑐᒥᑦ ᐃᑲᔪᕐᓂᕐᒥ ᐊᒻᒪᓗ ᖃᐅᔨᒪᓪᓗᑎᒃ ᐱᔨᑦᑎᖅᑕᕗᑦ ᐊᑐᖅᑕᐅᔪᓐᓇᖅᑐᓂ ᐊᑐᕆᐊᖃᖅᑕᖏᓐᓂ ᐊᑐᐃᓐᓇᐅᓂᖏᓐᓂ ᓇᖕᒥᓂᖃᕐᓂᕐᒧᑦ ᐱᓕᕆᓇᓱᒃᑕᖏᑦ ᑲᔪᓯᑦᑎᐊᖁᓪᓗᒋᑦ.
- ᕚᓗᕆ ᑯᔅᒪᓐᑯ, ᐊᐅᓚᑦᑎᔨ ᐊᖓᔪᖅᑳᖅ
- ᑭᐅᕈᓪ ᑐᑐ, ᑎᑎᕋᕐᕕᖕᒥ ᐊᐅᓚᑦᑎᔨ
- ᒥᔅᓯ ᐊᐅᓪᓱᐊᑦ, ᑎᑎᕋᕐᕕᖕᒥ ᐊᐅᓚᑦᑎᔨ/ᐱᓕᕆᕝᕕᖕᒧᑦ ᑎᑎᕋᖅᑎ