ᐱᔪᓐᓇᕐᓂᖅᐹᑦᑎᓐᓂ ᐱᓇᔪᖃᑦᑕᖅᑐᒍᑦ. ᐅᑭᐅᖅᑕᖅᑐᒥ ᓇᖕᒥᓂᕆᔭᕗᑦ, ᑕᐃᒪᐃᒻᒪᑦ ᑲᔪᓯᔭᕆᐊᖃᖅᑐᒍᑦ.
– ᓯᐴᕋ ᐆᔪᑯᓗᒃ
ᐃᒃᐱᐊᕐᔪᒃ, ᓄᓇᕗᑦ
ᐊᕙᓗᔭᐅᓯᒪᓪᓗᓂ ᖃᖅᑲᓂ ᓴᓂᓕᕇᓂ ᐊᒻᒪᓗ ᖁᑦᑎᒃᑐᓂ ᐃᓐᓈᕈᓂ, ᐃᒃᐱᐊᕐᔪᒃ ᕼᐋᒻᒪᓚᖓ ᕿᑭᖅᑖᓘᑉ ᐱᖓᓐᓇᖅᐸᓯᐊᓃᖦᖢᓂ ᐊᖏᕐᕋᕆᔭᐅᔪᖅ ᑕᐅᓴ ᐅᖓᑖᓂᐸᓗᒃ ᐃᓄᖕᓄᑦ – ᐊᒻᒪᓗ ᐅᓂᒃᑳᕆᔭᐅᓪᓗᓂ ᑲᔪᓰᓐᓇᖅᑐᒥ ᐊᒻᒪᓗ ᓄᓇᓕᖕᓂ ᐅᐱᒍᓱᖕᓂᕐᒥ. ᑕᕝᕙᓂ, ᐅᑭᐅᖅᑕᖅᑐᕐᒥᐅᑦ ᑎᖕᒥᐊᖏᑦ ᐃᕙᕙᒃᑐᑦ ᐃᓐᓈᕈᓂ ᑑᒑᓖᓪᓗ ᐊᒻᒪᓗ ᐊᕐᕖᑦ ᐊᖅᑯᓵᖅᐸᒃᑐᑦ ᐃᒪᖁᑎᖓᓂ ᐊᕐᕌᒍᑕᒫᑦ. ᓄᓇᓖᑦ ᓯᓚᑎᑦᑎᐊᖓᓂ ᐊᕐᕚᖅᑑᖑᕗᖅ, ᐃᓚᒌᓄᑦ ᐊᐅᓪᓛᕐᕕᑦᑎᐊᕙᐅᒋᔭᐅᔪᖅ ᒨᓯᓯ ᐆᔪᑯᓘᑉ ᓄᓇᒋᓚᐅᖅᑕᖓ ᒪᒃᑯᒃᑑᑎᓪᓗᒍ. ᐅᑭᐅᑦ ᖄᖏᖅᑎᓪᓗᒋᑦ, ᑖᓐᓇ ᐅᖓᒋᔭᐅᔪᖅ ᓄᓇᐅᑉ ᐊᑎᖓ ᐊᑐᖅᑕᐅᓕᕐᓂᐊᖅᑐᖅ, ᐃᖅᑲᐅᒪᓂᕐᒥ ᐃᓕᓴᖅᓯᔪᖅ, ᐊᓂᒍᐃᑦᑎᐊᕈᓐᓇᕐᓂᕐᒥ, ᐊᒻᒪᓗ ᐅᑭᐅᖅᑕᖅᑐᒥ ᐃᒃᐱᒋᔭᖃᕐᓂᕐᒥ.
ᐃᓅᓚᐅᖅᑐᖅ 1950−ᒥ, ᒨᓯᓯ ᐃᒃᐱᐊᕐᔪᖕᒧᑦ ᓅᓚᐅᖅᓯᒪᔪᖅ 1966−ᒥ. ᓄᓕᐊᖓᓗ ᓯᐴᕋ ᑲᑎᙵᓪᓗᑎᒃ, ᐃᕈᖅᓴᐃᓚᐅᖅᑐᑦ ᐊᕐᕕᓂᓕᖕᓂ ᓄᑕᖅᑲᓂᑦ – ᒫᓐᓇ ᐃᓐᓇᐅᓕᖅᑐᑦ ᓄᓇᖃᖅᖢᑎᒃ ᑲᓇᑕᒥ ᓇᒥᓕᒫᖅ. ᓄᑲᖅᖠᖅᐹᖁᑎᖓ, ᑕᐃᕕᑎ, ᐃᒃᐱᐊᕐᔪᖕᒥ ᐊᖏᕐᕋᖃᖅᑐᖅ ᓱᓕ ᐊᒻᒪᓗ ᐊᖓᔪᖅᑳᖏᓐᓂ ᓴᓇᖃᑎᖃᖅᐸᒃᖢᓂ ᖄᖓᒍᓪᓗ ᕿᒧᒃᓯᑎᐅᓪᓗᓂ. ᐱᕕᒃᓴᖅ ᓴᖅᑭᓚᐅᖅᑐᖅ ᓇᓂᓯᕕᒃ ᐅᔭᕋᒃᑕᕐᕕᒃ ᐱᔾᔪᑎᒋᓪᓗᒍ, ᓴᕕᒃᓴᒥ−ᓴᕕᕋᔭᖕᒥ ᐅᔭᕋᒃᑕᕐᕕᒃ ᐊᖅᑯᑎᖃᕐᕕᖕᓂ ᐊᒻᒪᓗ ᐃᖅᑲᓇᐃᔮᒃᓴᓂ ᓴᖅᑭᑎᑦᑎᓚᐅᖅᑐᖅ ᑕᕝᕙᓂ ᓄᓇᒥ. ᓄᓇᓕᒃ ᐱᕈᖅᐸᓪᓕᐊᑎᓪᓗᒍ, ᒨᓯᓯ ᐊᒻᒪᓗ ᓯᐴᕋ ᖃᐅᔨᓚᐅᖅᑐᑦ ᓄᓇᓕᖓᓂ ᐱᔨᑦᑎᕋᕈᓐᓇᕐᓂᖏᓐᓂ ᐋᖅᑭᒃᓱᐃᕙᓪᓕᐊᓪᓗᑎᒡᓗ ᐊᑯᓂᐅᔪᒥ ᐊᐅᓚᓂᐊᖅᑐᒥ.
1993−ᒥ, ᐊᕐᕚᖅᑑᖅ ᓇᖕᒥᓂᕐᒥ ᓴᖅᑭᑦᑎᓚᐅᖅᑐᑦ, ᐱᒋᐊᓕᕋᒥᒃ ᑖᒃᓯᐅᓪᓗᑎᒃ ᐱᔨᑦᑎᕋᖅᖢᑎᒃ ᐃᒃᐱᐊᕐᔪᒃ ᐊᒻᒪᓗ ᓇᓂᓯᕕᒃ ᐊᑯᓐᓂᖓᓂ. ᐱᔪᒪᔭᐅᓂᖓ ᐊᖏᒡᓕᒋᐊᖅᑎᓪᓗᒍ, ᐸᓯᒥᒃ ᐃᓚᓯᓚᐅᖅᑐᑦ ᐅᔭᕋᒃᑕᕐᕕᖕᒥ ᐃᖅᑲᓇᐃᔭᖅᑏᑦ ᓴᓇᕝᕕᖓᓄᐊᕈᑎᒃᓴᖏᓐᓂ ᐊᒻᒪᓗ ᑭᖑᓂᑦᑎᐊᖓᒍᑦ ᐃᓕᓐᓂᐊᕐᕕᖕᒧᑦ ᐸᓯᒥᑦ ᐱᔨᑦᑎᕋᐅᑎᒥᑦ ᓇᖕᒥᓂᖅᑖᖅᖢᑎᒃ, ᐃᓕᓐᓂᐊᖅᑎᓄᑦ ᐃᓕᓐᓂᐊᕐᕕᓕᐊᕈᑎᒥᑦ ᐱᒻᒪᕆᐅᔪᒥ ᐊᑐᐃᓐᓇᐅᑎᑦᑎᓪᓗᑎᒃ. 1996−ᖑᓕᖅᑎᓪᓗᒍ, ᐱᓇᔪᒍᒪᓂᕆᔭᖓ ᓄᑖᒧᑦ ᑐᕌᖅᑎᑦᑎᓚᐅᖅᑐᖅ – ᓄᓇᓯᐅᑎᓂ ᐊᖏᔪᓂ ᑳᓐᑐᕌᒃᑎᓂ ᐱᔨᑦᑎᕋᕐᓂᕐᒥ – ᐊᑐᖅᑐᐊᕐᓂᕐᒥ ᐱᔨᑦᑎᕋᕐᓂᕐᒥ ᖃᓗᕋᐅᑎᖏᓐᓂ, ᐅᓯᑲᖅᑕᐅᑎᓂ, ᐊᒻᒪᓗ ᐊᓯᖏᓐᓂ ᐃᖏᕐᕋᔾᔪᑎᓂ ᒐᕙᒪᒃᑯᓐᓄᑦ ᐊᒻᒪᓗ ᓇᖕᒥᓂᐅᔪᓄᑦ ᐱᓕᕆᐊᖑᔪᓄᑦ ᐊᑐᖅᑕᐅᔪᒃᓴᓂ.
ᑲᔪᓯᑦᑎᐊᕐᓂᕐᒥ ᓄᖅᑲᓚᐅᖏᖦᖢᑎᒡᓘᓐᓃᑦ, ᐆᔪᑯᓗᒃᑯᑦ ᓇᖕᒥᓂᖅᑖᓚᐅᕐᒥᔪᑦ ᐳᓚᕋᖅᑐᓕᕆᓂᕐᒧᑦ ᐊᒻᒪᓗ ᐃᓂᒃᓴᖃᕐᓂᕐᒧᑦ. 2003−ᒥ, ᒪᒃᐱᖅᓯᓚᐅᖅᑐᑦ ᑐᔪᕐᒥᕕᖕᒥ ᑕᖕᒫᕐᒥᒃ ᑐᔪᕐᒥᕕᖕᒥ, ᐃᖢᕐᕆᓐᓇᖅᑐᒥ 10−ᓂ ᐃᒡᓗᕈᓯᓕᖕᓂ ᑐᔪᕐᒥᕕᖕᒥ ᓂᕆᕝᕕᖃᖅᖢᓂ ᑐᙵᓱᒃᑎᑦᑎᓪᓗᓂ ᑎᑭᖃᑦᑕᖅᑐᓂ ᐊᒻᒪᓗ ᐃᖅᑲᓇᐃᔭᖅᑎᓂ ᓴᓇᔭᖅᑐᖅᓯᒪᔪᓂ. ᐊᕐᕕᓂᓕᑦ ᒪᕐᕉᒃ ᖄᖏᖅᑎᓪᓗᒋᑦ, ᐊᕐᕕᓂᓕᖕᓂ−ᐃᒡᓗᕈᓯᓕᖕᒥ ᐅᓪᓛᕈᕐᒥᑕᕐᕕᖕᒥ ᐃᓚᓯᓚᐅᖅᑐᑦ, ᐳᓛᖅᑐᑦ ᐅᓄᕐᓂᖅᓴᓂ ᓂᕈᐊᒐᒃᓴᖃᓕᖅᖢᑎᒃ ᐅᑭᐅᖅᑕᖅᑐᒥ ᑐᙵᓵᕆᓂᕐᒥ. ᓇᖕᒥᓂᕆᔭᖓ ᓄᓇᓕᖕᓂ ᐃᖅᑲᓇᐃᔮᖃᕐᓂᕐᒥ ᐱᑕᖃᐃᓐᓇᖅᑎᑦᑎᓪᓗᓂ – ᐊᕐᕕᓂᓕᖕᓂ ᓴᓇᔨᓂ ᑎᑭᖦᖢᒍ ᐃᓄᒋᐊᖕᓂᖅᐹᕆᔭᖓ ᑕᑯᓪᓗᒍ – ᐊᒻᒪᓗ ᐊᐅᓚᑕᐅᓪᓗᓂ ᐊᕐᕚᖅᑑᖅ ᓇᖕᒥᓂᖓ ᐱᔪᖅᐸᓪᓕᐊᔫᑉ ᐃᓗᐊᓂ. ᐅᑭᐅᓄᑦ ᐊᕙᑏᑦ ᖃᓂᒋᔭᖓᓂ, ᑐᔪᕐᒥᕕᒃ ᑐᙵᕕᐅᓚᐅᖅᑐᖅ ᑐᙵᓵᕆᓂᕐᒧᑦ ᑮᓇᐅᔭᓕᐅᕐᕕᖃᕐᕕᖕᓂ.
2020−ᒥ, ᓄᕙᒡᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᖅ ᐊᑐᖅᑕᐅᑎᓪᓗᒍ, ᐆᔪᑯᓗᒃᑯᑦ ᑐᔪᕐᒥᕕᖓ ᓂᐅᕐᕈᑎᒋᓚᐅᖅᑕᖓ ᐊᒻᒪᓗ ᐅᓪᓛᕈᒻᒥᑕᕐᕕᒃ ᑕᖅᑯᑦ ᑯᐊᐸᒃᑯᑦ ᑲᑐᔾᔨᖃᑎᒌᖓᓄᑦ. “ᑕᐃᔅᓱᒪᓂ ᐅᕙᑦᑎᓐᓄᑦ ᐱᐅᔪᒥ ᐃᓱᒪᓕᐅᕈᑎᐅᓚᐅᖅᑐᖅ,” ᓯᐴᕋ ᐅᖃᖅᑐᖅ. “ᐱᓕᕆᓗᐊᕈᒪᔪᓐᓃᓚᐅᖅᑐᒍᑦ, ᐊᒻᒪᓗ ᑐᔪᕐᒥᕕᒃ ᓂᐅᕈᑎᒋᒐᑦᑎᒍᑦ ᐱᓕᕆᐊᒃᓴᐃᑦ ᐅᓄᖏᓐᓂᖅᓴᐅᓕᓚᐅᖅᑐᑦ ᐅᕙᑦᑎᓐᓄᑦ.”
ᐅᓪᓗᒥ, ᐊᕐᕚᖅᑑᖅ ᐱᒻᒪᕆᐅᔪᒥ ᓄᓇᓕᖕᓂ ᓇᖕᒥᓂᐅᔪᖅ. ᓇᖕᒥᓂᐅᔪᖅ ᐃᓕᓐᓂᐊᕐᕕᖕᒧᑦ ᐸᓯᒥ ᐊᐅᓚᑦᑎᔪᖅ ᐊᒻᒪᓗ ᒥᑦᑕᕐᕕᖕᒥ ᑳᓐᑐᕌᖃᖅᖢᑎᒃ, ᑖᒃᓯᓂ ᑲᔪᓯᑎᓚᐅᓪᓗᓂ ᐊᒻᒪᓗ ᓄᓇᓯᐅᑎᓂ−ᐊᑐᖅᑐᐊᕐᓂᕐᒥ ᐱᔨᑦᑎᕋᕐᓂᕐᒥ, ᐊᒻᒪᓗ ᓄᓇᓯᐅᑎᓂ−ᐊᖏᔪᓂ ᐊᐅᓚᑦᑎᓂᕐᒥ ᐊᐅᓚᑦᑎᓪᓗᑎᒃ ᐊᖅᑯᑎᓄᑦ ᐊᒻᒪᓗ ᐊᖅᑯᑎᖃᕐᕕᖕᓂ ᐊᖅᑭᒃᓱᐃᓂᕐᒧᑦ. ᐃᖏᕐᕋᔾᔪᑎᓂ ᐊᐅᓚᑦᑎᓪᓗᓂ ᐊᑭᑐᔪᖅ – ᐱᓗᐊᖅᑐᒥ ᐊᐅᓚᐅᓯᓕᕆᔨᓂ ᐸᐃᑉᐹᖃᖅᑐᓂ ᑲᓇᑕᒥ ᖃᓪᓗᓈᓂ – ᑭᓯᐊᓂᓕ ᐆᔪᑯᓗᒃᑲᑦ ᐱᓇᔪᐃᓐᓇᖅᑐᑦ, ᐊᐅᓚᐅᓯᓕᕆᔨᓂ ᐱᔨᑦᑎᕋᕐᓂᕐᒥ ᐊᑐᐃᓐᓇᐅᑎᑦᑎᓪᓗᑎᒃ ᓄᓇᓕᖕᓂ ᓇᖕᒥᓂᐅᔪᓄᑦ ᑕᐃᒪᐃᑦᑕᕆᐊᖃᕌᖓᒥ.
ᒨᓯᓯᐅᑉ ᓯᕗᓕᖅᑎᐅᓂᖓ ᓇᖕᒥᓂᓕᕆᓂᐅᑉ ᐅᖓᑖᓅᓚᐅᖅᑐᖅ. ᐃᒃᐱᐊᕐᔪᖕᒥ ᒪᐃᔭᒧᑦ ᓂᕈᐊᖅᑕᐅᓚᐅᖅᑐᖅ 1999−ᒥ – ᐊᒻᒪᓗᑦᑕᐅᖅ 2023−ᒥ – ᖁᕕᐊᓱᓚᐅᖅᑐᖅ ᓄᓇᕗᒻᒥ ᕿᒧᒃᓯᕕᒡᔪᐊᒥ ᓴᖅᑭᑎᑦᑎᖃᑕᐅᓂᕐᒥ, ᐅᖓᓯᒃᑐᒧᑦ ᕿᒧᒃᓯᖅᖢᑎᒃ ᓵᓚᒃᓴᕋᓱᒃᑐᑦ ᖁᕕᐊᓲᑎᖃᖅᖢᓂ ᐃᓄᐃᑦ ᐱᖅᑯᓯᖓᓂ ᐊᒻᒪᓗ ᐊᓐᓇᐅᒪᔪᓐᓇᕐᓂᖏᓐᓂ. ᑲᑐᑎᓪᓗᑎᒃ, ᒨᓯᓯ ᐊᒻᒪᓗ ᓯᐴᕋ ᓴᖅᑭᑦᑎᓚᐅᖅᑐᑦ ᓄᓇᓕᖕᓄᑦ ᑐᒃᓯᐊᕐᕕᖕᒥ, ᐊᒻᒪᓗ ᒨᓯᓯ ᑲᔪᓯᓯᒪᓪᓗᓂ ᐅᖃᐅᔾᔪᖅᓱᐃᓂᕐᒧᑦ ᑲᑎᒪᔨᐅᖃᑕᐅᓪᓗᓂ ᐹᕙᓐᓛᓐ ᓴᕕᕋᔭᒃᓴᓂ ᐅᔭᕋᒃᓯᐅᖅᑎᒃᑯᓐᓂ, ᐊᔭᐅᕆᓪᓗᓂ ᓄᓇᓕᖕᒥᐅᑕᓂ ᓴᓇᔨᑖᕐᓂᕐᒥ ᐊᒻᒪᓗ ᓇᖕᒥᓂᐅᔪᓄᑦ ᐱᕕᒃᓴᖃᕐᓂᕐᒥ ᕿᑭᖅᑖᓘᑉ ᐃᓗᐊᓂᓕᒫᖅ.
ᒨᓯᓯ ᐊᒻᒪᓗ ᓯᐴᕋ ᐃᑦᑐᖅᓯᐅᑎᑎᒍᑦ ᓄᖅᑲᖓᓂᕐᒥ ᐊᑐᕈᒪᓕᖅᑎᓪᓗᒋᑦ, ᕿᑐᕐᖓᖏᑦ ᐊᕐᕚᖅᑑᖅ ᓇᖕᒥᓂᐅᔪᒥ ᐱᓕᕆᒃᑲᐅᓂᖓᓂ ᑲᔪᓯᑎᑦᑎᓂᐊᕆᕗᑦ, ᑲᔪᓯᓗᑎᒃ ᐃᒃᐱᐊᕐᔪᖕᒥᐅᑦ ᓄᓇᓕᖕᒥᐅᑕᖏᓐᓂ ᐱᔨᑦᑎᕋᕐᓗᑎᒃ ᑕᐃᒪᓐᓇᑎᒋ ᐱᔪᒪᓂᖃᖅᑎᒋᔪᒥ ᓇᖕᒥᓂᖓᓂ ᐱᒋᐊᖅᑎᑦᑎᓂᕆᓚᐅᖅᑕᖓᓂ ᐊᑕᐅᓯᕐᒥ ᑖᒃᓯ ᐅᓄᖅᓯᒋᐊᖅᐸᓪᓕᐊᓂᖓᓄᑦ ᑐᙵᕕᒋᔭᐅᓕᖅᖢᓂ ᓄᓇᓕᐅᑉ ᐃᓕᖅᑯᓯᖓᓂ. ᐊᐱᕆᔭᐅᒐᒥ ᖃᓄᖅ ᐅᖃᐅᔾᔪᐃᒐᔭᕐᓂᖓᓂ ᓄᑖᓂ ᓇᖕᒥᓂᖃᓕᓵᖅᑐᓂ, ᒨᓯᓯ ᐅᖃᓪᓚᒃᑐᖅ ᐊᑐᓚᐅᖅᑕᓂ ᐊᑐᖅᖢᒍ:
“ᐅᓄᖅᑐᓂ ᐊᔪᕐᓇᕈᑎᑕᖃᕐᓂᐊᖅᑐᖅ, ᑕᐃᒪᐃᒻᒪᑦ ᓯᕗᓪᓕᖅᐹᒥ ᐊᔪᕐᓇᖅᓯᒃᐸᑦ ᓴᐱᓕᖅᑕᐃᓕᒋᑦ, ᓯᕗᓂᑦᑎᓐᓂ ᐱᕕᒃᓴᖅᑕᖃᒃᑲᓐᓂᕐᓂᐊᖅᑐᖅ ᐊᒻᒪᓗ ᐊᑐᓂ ᐊᔪᕐᓇᕈᑎᐅᔪᑦ ᐋᖅᑭᒃᑯᕕᒋᑦ ᐊᑲᐅᓯᓂᐊᖅᑐᑎᑦ.”
“ᑭᓱᑐᐃᓐᓇᐃᑦ ᐸᐃᑉᐹᓕᕆᓃᑦ ᒐᕙᒪᒃᑯᓐᓄᑦ ᐅᕝᕙᓘᓐᓃᑦ ᐃᖅᑲᖅᑐᐃᕕᓕᕆᔨᒃᑯᓐᓄᑦ ᐱᓕᕆᔭᕆᐊᖃᖅᑐᑦ ᐊᒻᒪᓗ ᐊᖑᒻᒪᑎᓯᒪᓗᑎᒃ.”
ᑖᒃᓯᒥ ᓄᓇᐃᓐᓇᕐᒦᑦᑐᒥ ᓇᖕᒥᓂᐅᔪᒧᑦ ᓄᓇᓕᖕᓂ ᐊᐅᓚᔾᔭᒃᑎᑦᑎᔪᓐᓇᖅᑐᒧᑦ, ᐊᕐᕚᖅᑑᖅ ᓇᖕᒥᓂᖅ ᒪᑭᑕᔪᖅ ᖁᕕᐊᓇᖅᑑᓪᓗᓂ ᐆᒃᑑᑎᐅᓪᓗᓂ ᖃᓄᑎᒋ ᑕᑯᑎᑦᑎᔪᓐᓇᕐᓂᖓᓂ ᐃᓱᒪᒋᔭᐅᔪᒥ, ᐊᒃᓱᕈᕐᓂᐅᔪᒥ, ᐊᒻᒪᓗ ᐅᑭᐅᖅᑕᖅᑐᒥ ᐊᓂᒍᐃᑦᑎᐊᕈᓐᓇᕐᓂᕐᒥ ᐃᖅᑲᓇᐃᖅᓯᔪᓐᓇᕐᓂᖓᓂ.
ᐆᒧᖓᓕ ᑎᐊᑦ ᐃᕐᓂᖅᒧᑦ, ᓄᓇ ᐊᒻᒪ ᐃᒪᖅ ᐃᓅᓯᖓᑕ ᐃᓚᑐᐃᓐᓇᕆᙱᒻᒪᒋᑦ – ᑭᓯᐊᓂᓕ ᑭᓇᐅᓂᖓᓂ ᓇᓗᓇᐃᒃᑯᑎᒋᔭᖏᑦ, ᒪᒥᓴᕐᕕᖏᑦ ᐊᒻᒪ ᖃᓄᐃᓕᐅᕈᒪᓕᕈᑎᖏᑦ. ᐃᓅᓂᑰᓪᓗᓂ ᐅᐃᕖᒧᑦ ᑲᓇᑕᒥᐅᑕᒧᑦ ᐊᓈᓇᖓᓄᑦ ᐊᒻᒪ ᐃᓄᖕᒥ ᐊᑖᑕᖃᖅᖢᓂ, ᑎᐊᑦ ᐱᕈᕐᓂᑯ ᑲᖏᖅᖠᓂᕐᒥ ᓯᓚᒥ ᖃᓄᐃᓕᐅᖃᑦᑕᐃᓐᓇᖅᓯᒪᓪᓗᓂ ᐊᒻᒪ ᐃᓕᖅᑯᓯᕆᔭᐅᔪᒥ ᐊᑐᖅᖢᓂ ᐃᓱᒪᒋᔭᖃᑦᑎᐊᖅᖢᓂ ᓄᓇᒥ. ᔭᓗᓇᐃᒧᙵᓕᓚᐅᖅᓯᒪᔪᖅ ᐃᓕᓐᓂᐊᕐᕕᐊᓗᖕᒥ ᐊᓂᒍᐃᓇᓱᒃᖢᓂ ᐊᒻᒪ ᓄᓇᓯᐅᑎᓂ ᓱᕋᒃᓯᒪᔪᓂ ᓴᓇᔨᐅᔭᖅᑐᖅᖢᓂ, ᐊᒻᒪ ᑭᖑᓂᐊᒍᑦ ᐃᖃᓗᖕᓄᑦ ᐊᔪᕈᓐᓃᖅᓴᖅᑕᖓ ᑲᔪᓯᑎᓐᓇᓱᒃᖢᓂᐅᑦ, ᑕᐃᒪᓕ ᑎᐊᑦ ᖃᐅᔨᑦᑎᐊᓕᓚᐅᖅᑐᖅ ᐃᖅᑲᓇᐃᔭᕐᕕᒃ ᖁᕕᐊᒋᓗᐊᙱᓐᓂᖓᓂ – ᑭᓯᐊᓂᓕ ᓄᓇᐃᓐᓇᕐᒦᑲᑕᒃᖢᓂ.
ᐃᑲᔪᖅᑐᖅᑕᐅᓯᒪᑦᑎᐊᖅᖢᓂ ᓄᓕᐊᕐᒥᓄᑦ ᓲᓂᐊᒧᑦ ᐊᒻᒪ ᕿᑐᕐᖓᖏᓐᓂ ᒪᕐᕉᖕᓂ ᑯᓘᐃ ᐊᒻᒪ ᐋᑕᒻ, ᑎᐊᑦ ᐊᓯᐊᓂ ᐱᓇᓱᐊᓕᓚᐅᖅᓯᒪᔪᖅ, ᓄᓇᐃᓐᓇᕐᒦᖃᑦᑕᕐᓂᖓ ᐊᑐᖅᖢᓂᐅᒃ ᓄᓇᕗᑦ ᓄᓇᐃᓐᓇᖓᓂ ᑕᒪᓐᓇᓗ ᐊᓯᒥᓄᑦ ᖃᐅᔨᒪᔭᐅᑎᑦᑐᒪᓪᓗᓂᐅᒃ. ᐱᒋᐊᓚᐅᙱᓐᓂᖓᓂ ᓇᖕᒥᓂᖅ ᐱᓕᕆᐊᖓ, ᑎᐊᑦ ᐊᕙᑎᓕᕆᔨᒃᑯᑦ ᐱᓕᕆᔾᔪᑎᓕᕆᓂᕐᒥᒃ ᐱᓕᕆᐊᖃᓚᐅᖅᑐᖅ, ᐃᓕᓐᓂᐊᖅᑎᑦᑎᕙᒃᖢᓂ ᐃᓅᓱᒃᑐᓂᒃ ᐃᓅᓇᓱᖕᓂᕐᒥ ᓯᓚᐃᓐᓇᕐᒥ, ᐊᒻᒪᓗ ᐊᕐᕌᒍᓂ ᐱᖓᓱᓂ ᑐᑭᒧᐊᖅᑎᑦᑎᔨᐅᓪᓗᓂ ᐅᒥᐊᕐᔪᐊᕌᓗᖕᒥ ᐃᓄᖕᓂ ᐅᓯᕙᒃᑐᓂ One Ocean, ᐃᓚᖃᖅᖢᓂ ᐊᓚᔅᒥᐅ ᕿᑭᖅᑖᓗᖕᒥ ᐊᒻᒪ ᒪᕐᕉᖕᓂ ᐋᓐᑖᑎᑲᒥ. ᐅᑯᐊ ᐱᓕᕆᐊᕆᓂᑯᖏᑦ ᐃᑲᔪᓚᐅᖅᑐᖅ ᐊᔪᕈᓐᓃᖅᐹᓪᓕᕈᑎᒋᓪᓗᓂᐅᒃ ᐱᔨᑦᑎᕋᐅᑎᓕᕆᓂᕐᒥ ᐊᒻᒪᓗ ᑐᑭᓯᕚᓪᓕᖅᖢᓂ ᐳᓛᖃᑦᑕᖅᑐᑦ ᖃᓄᐃᑦᑐᓂ ᑕᑯᔪᒪᖃᑦᑕᕐᒪᖔᑕ: ᓄᓇᓂ ᐃᓄᖕᓂᓪᓗ ᐃᒃᐱᒋᔭᖃᕐᓂᖅᓴᐅᔪᓐᓇᕐᓗᑎᒃ.
2017−ᒥ ᑎᐊᑦ ᐱᒋᐊᖅᑎᑦᑎᓚᐅᖅᑐᖅ ᑎᑭᑉᐳᒍᑦ ᑎᒥᖁᑖ−ᒥ, ᐃᓚᒋᐊᖅᖢᓂᐅᒃ ᑲᒻᐸᓂᓂ 2021−ᒥ. ᐱᒋᐊᕐᓂᑰᓪᓗᓂ ᐊᑕᐅᓯᕐᒥ ᐅᒥᐊᖃᖅᖢᓂ, ᖃᒧᑕᐅᔭᖃᖅᖢᓂ, ᖃᒧᑎᓪᓗ, ᐊᒻᒪᓗ ᓴᓇᕈᑎᓂ ᐊᑐᖃᑦᑕᕆᐊᓕᖕᓂ ᐱᕈᖅᓯᒪᓕᖅᑐᖅ ᐊᖏᒡᓕᕙᓪᓕᐊᓪᓗᓂ ᐃᓄᐃᑦ ᓇᖕᒥᓂᕆᓕᖅᖢᓂᐅᒃ ᐊᒻᒪ ᐱᕙᓪᓕᐊᔾᔪᑎᐅᓪᓗᓂ ᓄᓇᐃᓐᓇᕐᒧᑦ ᐊᐅᓪᓛᑎᑦᑎᕙᒃᖢᓂ. ᐅᓪᓗᒥ, ᑎᑭᑉᐳᒍᑦ ᐊᐅᓚᑦᑎᓕᖅᑐᖅ ᒪᕐᕉᖕᓂ ᐃᓄᖕᓂ ᐅᓯᖃᑦᑕᖅᑐᓂ ᐅᒥᐊᕐᓂ, 9−ᓂ ᖃᒧᑕᐅᔭᓂ, ᐊᒻᒪ ᐃᖅᑲᓇᐃᔭᖅᑎᑦᑎᕙᒃᖢᑎᒃ ᐱᖓᓱᓂ ᐃᓄᖕᓂ ᓄᓇᖃᖅᑐᓂ – ᐱᓗᐊᖅᑐᒥ ᐳᓛᕐᓇᖅᓯᔭᕌᖓᑦ. ᐅᑯᐊ ᑐᑭᒧᐊᖅᑎᑦᑎᔨᒋᔭᐅᔪᑦ, ᐊᔪᕈᓐᓃᖅᓴᖅᓯᒪᔪᑦ ᐋᓐᓂᖅᑐᓂ ᑲᒪᒋᔭᖃᕈᓐᓇᕐᓂᕐᒥᒃ ᐊᒻᒪ ᐊᐅᓚᑦᑎᔪᓐᓇᖅᖢᑎᒃ ᒥᑭᑦᑐᓂᒃ ᐅᒥᐊᕐᓂ, ᐊᔪᒋᔾᔪᑎᖏᑦ ᐊᑐᖅᑕᑐᐊᕆᙱᖦᖢᓂᔾᔪᒃ ᑭᓯᐊᓂᓕ ᐃᓕᖅᑯᓯᖏᓐᓂ ᖃᐅᔨᑎᑦᑎᕙᒃᖢᑎᒃ ᑕᒪᒃᑯᐊᓗ ᐳᓛᖅᓯᒪᔪᑦ ᐃᓕᑦᑎᔪᒪᑦᑎᐊᖅᐸᒃᖢᑎᒃ. “ᑮᓇᐅᔭᓕᐅᕐᓇᓂᖅᓴᐅᖕᒪᑦ ᐊᐅᓪᓚᖅᑎᑦᑎᔨᐅᔪᑦ ᐱᓕᕆᖃᑕᐅᑦᑎᐊᕐᓗᑎᒃ ᐊᒻᒪ ᖃᓄᐃᓕᐅᕈᓯᕐᓂ ᐅᓂᒃᑲᐅᓯᖃᕈᓐᓇᖅᖢᑎᒃ,” ᑎᐊᑦ ᖁᖓᑦᑐᖅ ᐅᖃᖅᖢᓂ.
ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᐱᒃᑯᓕᓯᒪᔪᑦ ᐃᑲᔪᖅᑐᐃᓯᒪᓂᖏᓐᓂᒃ ᑎᐊᑦᒥ ᐱᓕᕆᐊᖃᖅᐸᓪᓕᐊᑎᓪᓗᒍ. ᑮᓇᐅᔭᑎᒍᑦ ᐃᑲᔪᖅᑐᐃᕙᖕᓂᒃᑯᑦ ᐊᒻᒪ ᑐᑭᒧᐊᖅᑕᐅᓂᒃᑯᑦ ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᐃᑲᔪᖅᓯᒪᔪᑦ ᑎᑭᑉᐳᒍᑦ ᐱᖁᑎᒃᓴᑎᒍᑦ ᐱᕈᖅᐸᓪᓕᐊᓂᖓᓄᑦ ᐱᓕᕆᐊᖓ. ᐃᑲᔪᖃᑕᐅᓯᒪᒋᓪᓗᓂ ᑲᑭᕙᒃ ᑲᑐᔾᔨᖃᑎᒌᖏᑦ ᐊᒻᒪ CanNor, ᐅᑯᐊ ᐃᑲᔫᑎᒋᔭᐅᔪᑦ ᑎᐊᑦᒥ ᐱᓕᕆᐊᖓᓂ ᐱᕈᖅᐸᓪᓕᐊᑎᑦᑎᓇᓱᒃᑎᓪᓗᒍ ᑖᓐᓇᓗ ᐳᓚᕋᖅᑐᓕᕆᓂᕐᒧᑦ ᐃᑲᔪᒻᒪᕆᒃᖢᓂ ᐊᒻᒪ ᓄᓇᖃᖅᑐᓂᒃ ᐃᖅᑲᓇᐃᔭᖅᑎᑦᑎᖃᑦᑕᖅᖢᓂ.
ᓇᖕᒥᓂᖅ ᐱᓕᕆᐊᒥ ᐊᐅᓚᑦᑎᓪᓗᓂ ᓄᓇᕗᒻᒥ ᐊᒃᓱᕈᓐᓇᓕᖃᑦᑕᕐᒥᔪᖅ. ᓚᐃᓴᓐᓯᑖᕋᓱᖕᓂᖅ, ᐸᐃᑉᐹᓕᕆᑲᑕᖕᓂᖅ ᐊᒻᒪᓗ ᐃᓂᒃᓴᑦᑎᐊᕙᒃᓴᒥ ᕿᓂᕋᓱᖕᓂᖅ ᐊᒻᒪᓗ ᑲᒪᒋᔭᕆᐊᓕᖕᓂ ᑲᒪᒋᔭᖃᕐᕕᒃᓴᓂ ᐅᓄᖅᓯᕙᓪᓕᐊᓂᖏᓐᓄᑦ ᐱᖁᑎᖏᑦ. ᑭᓯᐊᓂᓕ ᓲᓂᐊ – ᑮᓇᐅᔭᓕᕆᔨᐅᕙᒃᑐᖅ, ᐸᐃᑉᐹᓕᕆᔨᐅᓪᓗᓂ ᑎᑎᕋᕆᐊᓕᖕᓂ ᐊᒻᒪ ᐊᐅᓚᑦᑎᔨᐅᓪᓗᓂ ᐊᒻᒪᓗ ᐊᓯᐊᓂ ᐃᖅᑲᓇᐃᔮᖃᕆᓪᓗᓂ – ᐃᑲᔪᖅᓯᒪᓪᓚᕆᒃᑐᖅ ᑖᓐᓇ ᐱᓕᕆᐊᖓ ᐃᖏᕐᕋᑦᑎᐊᖏᓐᓇᖁᓪᓗᒍ.
ᑎᐊᑦ ᐊᒃᑐᐃᓂᖃᖅᓯᒪᔪᖅ ᐳᓚᕋᖅᑐᓕᕆᓂᐅᑉ ᐅᖓᑎᒃᑲᓐᓂᐊᓂ. ᐅᒃᐱᕈᓱᒃᑲᒥ ᐃᑲᔪᕆᐊᖃᕐᓂᕐᒥ ᐃᑲᔪᖃᑦᑕᖅᑐᓂ, ᐃᓄᒃᓯᐅᑎᓂ ᓂᕿᓂ ᐱᓇᓱᒃᐸᒃᑐᖅ ᓄᓇᐃᓐᓇᕐᒦᑎᓪᓗᒍ ᐊᒻᒪ ᑐᓐᓂᖅᑯᑎᒋᕙᒃᖢᓂᒋᑦ ᓂᕿᑖᕐᕕᖕᓄᑦ, ᐃᓐᓇᑐᖃᕐᓄᑦ, ᐊᖏᕐᕋᖃᙱᑦᑐᒃᑯᕕᖕᓄᑦ, ᐊᒻᒪ ᐊᓯᖏᓐᓄᑦ ᑭᓱᖃᙱᑦᑐᓄᑦ. ᓄᓇᒥᓂ ᐊᓂᕈᓱᖕᓂᖓ ᓇᓗᓇᙱᑦᑐᖅ ᐱᒻᒪᕆᐅᒋᔭᖏᑦᑎᒍᑦ ᐱᓕᕆᐊᖓᓄᓪᓗ ᐃᖏᕐᕋᔾᔪᑎᒋᓪᓗᓂᐅᒃ: ᐃᓄᖕᓂ ᐃᓱᒪᒋᔭᖃᑦᑎᐊᕐᓂᖅ, ᐃᓕᖅᑯᓯᖓᓂ, ᐊᒻᒪ ᓄᓇᒥ.
“ᐊᕐᕌᓂ ᓄᕙᒡᔪᐊᕐᓇᖅ-19 ᐊᒃᓱᕈᕐᓇᖅᑐᐊᓘᓚᐅᖅᑐᖅ,” ᑎᐊᑦ ᐃᖅᑲᐅᒪᔪᖅ, “ᑭᓯᐊᓂᓕ ᓄᓇᓕᖕᓂ ᓄᓇᓖᑦ, ᓇᖕᒥᓂᖅ ᐱᓕᕆᐊᕆᔭᐅᔪᑦ, ᐊᒻᒪᓗ ᒐᕙᒪᒃᑯᑦ ᐃᑲᔪᖅᑐᐃᓯᒪᓚᐅᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐊᐅᓪᓚᕈᔾᔨᕙᖕᓂᒃᑯᑦ. ᑕᐃᒪᓐᓇᓗ ᐱᓕᕆᐊᖓ ᐃᖏᕐᕋᐃᓐᓇᓚᐅᖅᖢᓂ.”
ᓯᕗᒧᑦ ᑕᐅᑐᒃᖢᓂ, ᑎᐊᑦ ᑕᒪᑐᒨᓇ ᐃᒻᒥᓂ ᑕᑯᖁᑎᓗᐊᙱᑦᑐᖅ ᑭᓯᐊᓂᓕ ᑲᔪᓯᑦᑎᐊᕐᓂᐊᕋᓱᒋᔪᖅ. “ᖃᓄᐃᙱᑦᑐᒍᑦ – ᑮᓇᐅᔭᓕᐊᓘᙱᖦᖢᑕ ᑭᓯᐊᓂ ᖃᓄᐃᙱᑦᑐᒍᑦ. ᐸᕐᓇᒃᐸᓪᓕᐊᔪᒍᑦ ᐅᐱᕐᖔᒧᑦ ᒫᓐᓇ, ᐃᓱᒪᓪᓗᑕᓗ ᓯᕗᓂᒃᓴᕗᑦ ᐱᐅᓂᐊᕋᓱᒋᓪᓗᑎᒍᑦ.” ᑮᓇᐅᔭᓕᐅᕋᓱᒃᐸᒃᑐᓄᑦ ᑐᓴᐅᒪᖁᔨᔪᖅ ᑮᓇᐅᔭᓕᐅᕋᓱᒃᐸᓪᓕᐊᔪᓂ ᐃᓱᒪᒋᔭᖓᓂ: “ᓇᖕᒥᓂᖅ ᐱᓕᕆᐊᖃᕋᓱᓕᖅᖢᓂ ᐊᒃᓱᕈᕐᓇᖅᑐᐊᓗᒃ, ᓱᒃᑲᐃᖢᓂᓗ. ᑕᒪᓐᓇ ᑲᔪᓯᑎᑐᐃᓐᓇᕐᓗᒍ, ᐃᓚᖏᑦ ᓈᒻᒪᙱᓕᐅᕈᑎ ᐊᑐᑐᐃᓐᓇᕐᓗᓂ, ᐅᑕᕿᑦᑎᐊᕈᓐᓇᕐᓗᑎᑦ. ᐃᓕᖕᓂ ᐱᓕᕆᑏᓐᓇᕋᓱᒡᓗᑎᑦ, ᑭᓯᐊᓂᓕ ᐊᒃᓱᓗᐊᕌᓘᙱᑦᑐᖅ ᓄᖅᑲᑎᓕᑐᐃᓐᓇᕆᐊᖃᕋᕕᑦ.”
ᐅᕙᓂ ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᓐᓂ, ᐱᒃᑯᒋᔭᖃᖅᑐᒍᑦ ᐃᑲᔪᖅᑐᐃᕙᖕᓂᕐᒥ ᐃᓄᖕᓂ ᑮᓇᐅᔭᓕᐅᕋᓱᒃᐸᒃᑐᓂᒃ ᐆᑐᓇᖅ ᑎᐊᑦ ᐃᕐᓂᖅᑎᑐᑦ – ᐱᓇᓱᒍᒪᕙᒃᑐᑦ ᓇᖕᒥᓂᖅ ᐱᓕᕆᐊᖏᓐᓂ ᐱᕈᖅᑎᑦᑎᕙᓪᓕᐊᔪᑦ ᐃᓕᖅᑯᓯᖏᓐᓂ ᑐᙵᕕᖃᖅᖢᑎᒃ, ᐃᓱᒪᒋᔭᖃᑦᑎᐊᕐᓂᕐᒥ, ᐊᒻᒪᓗ ᐃᓱᒪᒋᔭᖃᑦᑎᐊᓪᓚᕆᖕᓂᕐᒥ ᓄᓇᕗᒥᑦ ᓄᓇᓂ ᐃᓄᖕᓂᓪᓗ.
ᐱᔪᓐᓇᕐᓂᖅᐹᑦᑎᓐᓂ ᐱᓇᔪᖃᑦᑕᖅᑐᒍᑦ. ᐅᑭᐅᖅᑕᖅᑐᒥ ᓇᖕᒥᓂᕆᔭᕗᑦ, ᑕᐃᒪᐃᒻᒪᑦ ᑲᔪᓯᔭᕆᐊᖃᖅᑐᒍᑦ.
– ᓯᐴᕋ ᐆᔪᑯᓗᒃ
ᐃᒃᐱᐊᕐᔪᒃ, ᓄᓇᕗᑦ
ᐊᕙᓗᔭᐅᓯᒪᓪᓗᓂ ᖃᖅᑲᓂ ᓴᓂᓕᕇᓂ ᐊᒻᒪᓗ ᖁᑦᑎᒃᑐᓂ ᐃᓐᓈᕈᓂ, ᐃᒃᐱᐊᕐᔪᒃ ᕼᐋᒻᒪᓚᖓ ᕿᑭᖅᑖᓘᑉ ᐱᖓᓐᓇᖅᐸᓯᐊᓃᖦᖢᓂ ᐊᖏᕐᕋᕆᔭᐅᔪᖅ ᑕᐅᓴ ᐅᖓᑖᓂᐸᓗᒃ ᐃᓄᖕᓄᑦ – ᐊᒻᒪᓗ ᐅᓂᒃᑳᕆᔭᐅᓪᓗᓂ ᑲᔪᓰᓐᓇᖅᑐᒥ ᐊᒻᒪᓗ ᓄᓇᓕᖕᓂ ᐅᐱᒍᓱᖕᓂᕐᒥ. ᑕᕝᕙᓂ, ᐅᑭᐅᖅᑕᖅᑐᕐᒥᐅᑦ ᑎᖕᒥᐊᖏᑦ ᐃᕙᕙᒃᑐᑦ ᐃᓐᓈᕈᓂ ᑑᒑᓖᓪᓗ ᐊᒻᒪᓗ ᐊᕐᕖᑦ ᐊᖅᑯᓵᖅᐸᒃᑐᑦ ᐃᒪᖁᑎᖓᓂ ᐊᕐᕌᒍᑕᒫᑦ. ᓄᓇᓖᑦ ᓯᓚᑎᑦᑎᐊᖓᓂ ᐊᕐᕚᖅᑑᖑᕗᖅ, ᐃᓚᒌᓄᑦ ᐊᐅᓪᓛᕐᕕᑦᑎᐊᕙᐅᒋᔭᐅᔪᖅ ᒨᓯᓯ ᐆᔪᑯᓘᑉ ᓄᓇᒋᓚᐅᖅᑕᖓ ᒪᒃᑯᒃᑑᑎᓪᓗᒍ. ᐅᑭᐅᑦ ᖄᖏᖅᑎᓪᓗᒋᑦ, ᑖᓐᓇ ᐅᖓᒋᔭᐅᔪᖅ ᓄᓇᐅᑉ ᐊᑎᖓ ᐊᑐᖅᑕᐅᓕᕐᓂᐊᖅᑐᖅ, ᐃᖅᑲᐅᒪᓂᕐᒥ ᐃᓕᓴᖅᓯᔪᖅ, ᐊᓂᒍᐃᑦᑎᐊᕈᓐᓇᕐᓂᕐᒥ, ᐊᒻᒪᓗ ᐅᑭᐅᖅᑕᖅᑐᒥ ᐃᒃᐱᒋᔭᖃᕐᓂᕐᒥ.
ᐃᓅᓚᐅᖅᑐᖅ 1950−ᒥ, ᒨᓯᓯ ᐃᒃᐱᐊᕐᔪᖕᒧᑦ ᓅᓚᐅᖅᓯᒪᔪᖅ 1966−ᒥ. ᓄᓕᐊᖓᓗ ᓯᐴᕋ ᑲᑎᙵᓪᓗᑎᒃ, ᐃᕈᖅᓴᐃᓚᐅᖅᑐᑦ ᐊᕐᕕᓂᓕᖕᓂ ᓄᑕᖅᑲᓂᑦ – ᒫᓐᓇ ᐃᓐᓇᐅᓕᖅᑐᑦ ᓄᓇᖃᖅᖢᑎᒃ ᑲᓇᑕᒥ ᓇᒥᓕᒫᖅ. ᓄᑲᖅᖠᖅᐹᖁᑎᖓ, ᑕᐃᕕᑎ, ᐃᒃᐱᐊᕐᔪᖕᒥ ᐊᖏᕐᕋᖃᖅᑐᖅ ᓱᓕ ᐊᒻᒪᓗ ᐊᖓᔪᖅᑳᖏᓐᓂ ᓴᓇᖃᑎᖃᖅᐸᒃᖢᓂ ᖄᖓᒍᓪᓗ ᕿᒧᒃᓯᑎᐅᓪᓗᓂ. ᐱᕕᒃᓴᖅ ᓴᖅᑭᓚᐅᖅᑐᖅ ᓇᓂᓯᕕᒃ ᐅᔭᕋᒃᑕᕐᕕᒃ ᐱᔾᔪᑎᒋᓪᓗᒍ, ᓴᕕᒃᓴᒥ−ᓴᕕᕋᔭᖕᒥ ᐅᔭᕋᒃᑕᕐᕕᒃ ᐊᖅᑯᑎᖃᕐᕕᖕᓂ ᐊᒻᒪᓗ ᐃᖅᑲᓇᐃᔮᒃᓴᓂ ᓴᖅᑭᑎᑦᑎᓚᐅᖅᑐᖅ ᑕᕝᕙᓂ ᓄᓇᒥ. ᓄᓇᓕᒃ ᐱᕈᖅᐸᓪᓕᐊᑎᓪᓗᒍ, ᒨᓯᓯ ᐊᒻᒪᓗ ᓯᐴᕋ ᖃᐅᔨᓚᐅᖅᑐᑦ ᓄᓇᓕᖓᓂ ᐱᔨᑦᑎᕋᕈᓐᓇᕐᓂᖏᓐᓂ ᐋᖅᑭᒃᓱᐃᕙᓪᓕᐊᓪᓗᑎᒡᓗ ᐊᑯᓂᐅᔪᒥ ᐊᐅᓚᓂᐊᖅᑐᒥ.
1993−ᒥ, ᐊᕐᕚᖅᑑᖅ ᓇᖕᒥᓂᕐᒥ ᓴᖅᑭᑦᑎᓚᐅᖅᑐᑦ, ᐱᒋᐊᓕᕋᒥᒃ ᑖᒃᓯᐅᓪᓗᑎᒃ ᐱᔨᑦᑎᕋᖅᖢᑎᒃ ᐃᒃᐱᐊᕐᔪᒃ ᐊᒻᒪᓗ ᓇᓂᓯᕕᒃ ᐊᑯᓐᓂᖓᓂ. ᐱᔪᒪᔭᐅᓂᖓ ᐊᖏᒡᓕᒋᐊᖅᑎᓪᓗᒍ, ᐸᓯᒥᒃ ᐃᓚᓯᓚᐅᖅᑐᑦ ᐅᔭᕋᒃᑕᕐᕕᖕᒥ ᐃᖅᑲᓇᐃᔭᖅᑏᑦ ᓴᓇᕝᕕᖓᓄᐊᕈᑎᒃᓴᖏᓐᓂ ᐊᒻᒪᓗ ᑭᖑᓂᑦᑎᐊᖓᒍᑦ ᐃᓕᓐᓂᐊᕐᕕᖕᒧᑦ ᐸᓯᒥᑦ ᐱᔨᑦᑎᕋᐅᑎᒥᑦ ᓇᖕᒥᓂᖅᑖᖅᖢᑎᒃ, ᐃᓕᓐᓂᐊᖅᑎᓄᑦ ᐃᓕᓐᓂᐊᕐᕕᓕᐊᕈᑎᒥᑦ ᐱᒻᒪᕆᐅᔪᒥ ᐊᑐᐃᓐᓇᐅᑎᑦᑎᓪᓗᑎᒃ. 1996−ᖑᓕᖅᑎᓪᓗᒍ, ᐱᓇᔪᒍᒪᓂᕆᔭᖓ ᓄᑖᒧᑦ ᑐᕌᖅᑎᑦᑎᓚᐅᖅᑐᖅ – ᓄᓇᓯᐅᑎᓂ ᐊᖏᔪᓂ ᑳᓐᑐᕌᒃᑎᓂ ᐱᔨᑦᑎᕋᕐᓂᕐᒥ – ᐊᑐᖅᑐᐊᕐᓂᕐᒥ ᐱᔨᑦᑎᕋᕐᓂᕐᒥ ᖃᓗᕋᐅᑎᖏᓐᓂ, ᐅᓯᑲᖅᑕᐅᑎᓂ, ᐊᒻᒪᓗ ᐊᓯᖏᓐᓂ ᐃᖏᕐᕋᔾᔪᑎᓂ ᒐᕙᒪᒃᑯᓐᓄᑦ ᐊᒻᒪᓗ ᓇᖕᒥᓂᐅᔪᓄᑦ ᐱᓕᕆᐊᖑᔪᓄᑦ ᐊᑐᖅᑕᐅᔪᒃᓴᓂ.
ᑲᔪᓯᑦᑎᐊᕐᓂᕐᒥ ᓄᖅᑲᓚᐅᖏᖦᖢᑎᒡᓘᓐᓃᑦ, ᐆᔪᑯᓗᒃᑯᑦ ᓇᖕᒥᓂᖅᑖᓚᐅᕐᒥᔪᑦ ᐳᓚᕋᖅᑐᓕᕆᓂᕐᒧᑦ ᐊᒻᒪᓗ ᐃᓂᒃᓴᖃᕐᓂᕐᒧᑦ. 2003−ᒥ, ᒪᒃᐱᖅᓯᓚᐅᖅᑐᑦ ᑐᔪᕐᒥᕕᖕᒥ ᑕᖕᒫᕐᒥᒃ ᑐᔪᕐᒥᕕᖕᒥ, ᐃᖢᕐᕆᓐᓇᖅᑐᒥ 10−ᓂ ᐃᒡᓗᕈᓯᓕᖕᓂ ᑐᔪᕐᒥᕕᖕᒥ ᓂᕆᕝᕕᖃᖅᖢᓂ ᑐᙵᓱᒃᑎᑦᑎᓪᓗᓂ ᑎᑭᖃᑦᑕᖅᑐᓂ ᐊᒻᒪᓗ ᐃᖅᑲᓇᐃᔭᖅᑎᓂ ᓴᓇᔭᖅᑐᖅᓯᒪᔪᓂ. ᐊᕐᕕᓂᓕᑦ ᒪᕐᕉᒃ ᖄᖏᖅᑎᓪᓗᒋᑦ, ᐊᕐᕕᓂᓕᖕᓂ−ᐃᒡᓗᕈᓯᓕᖕᒥ ᐅᓪᓛᕈᕐᒥᑕᕐᕕᖕᒥ ᐃᓚᓯᓚᐅᖅᑐᑦ, ᐳᓛᖅᑐᑦ ᐅᓄᕐᓂᖅᓴᓂ ᓂᕈᐊᒐᒃᓴᖃᓕᖅᖢᑎᒃ ᐅᑭᐅᖅᑕᖅᑐᒥ ᑐᙵᓵᕆᓂᕐᒥ. ᓇᖕᒥᓂᕆᔭᖓ ᓄᓇᓕᖕᓂ ᐃᖅᑲᓇᐃᔮᖃᕐᓂᕐᒥ ᐱᑕᖃᐃᓐᓇᖅᑎᑦᑎᓪᓗᓂ – ᐊᕐᕕᓂᓕᖕᓂ ᓴᓇᔨᓂ ᑎᑭᖦᖢᒍ ᐃᓄᒋᐊᖕᓂᖅᐹᕆᔭᖓ ᑕᑯᓪᓗᒍ – ᐊᒻᒪᓗ ᐊᐅᓚᑕᐅᓪᓗᓂ ᐊᕐᕚᖅᑑᖅ ᓇᖕᒥᓂᖓ ᐱᔪᖅᐸᓪᓕᐊᔫᑉ ᐃᓗᐊᓂ. ᐅᑭᐅᓄᑦ ᐊᕙᑏᑦ ᖃᓂᒋᔭᖓᓂ, ᑐᔪᕐᒥᕕᒃ ᑐᙵᕕᐅᓚᐅᖅᑐᖅ ᑐᙵᓵᕆᓂᕐᒧᑦ ᑮᓇᐅᔭᓕᐅᕐᕕᖃᕐᕕᖕᓂ.
2020−ᒥ, ᓄᕙᒡᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᖅ ᐊᑐᖅᑕᐅᑎᓪᓗᒍ, ᐆᔪᑯᓗᒃᑯᑦ ᑐᔪᕐᒥᕕᖓ ᓂᐅᕐᕈᑎᒋᓚᐅᖅᑕᖓ ᐊᒻᒪᓗ ᐅᓪᓛᕈᒻᒥᑕᕐᕕᒃ ᑕᖅᑯᑦ ᑯᐊᐸᒃᑯᑦ ᑲᑐᔾᔨᖃᑎᒌᖓᓄᑦ. “ᑕᐃᔅᓱᒪᓂ ᐅᕙᑦᑎᓐᓄᑦ ᐱᐅᔪᒥ ᐃᓱᒪᓕᐅᕈᑎᐅᓚᐅᖅᑐᖅ,” ᓯᐴᕋ ᐅᖃᖅᑐᖅ. “ᐱᓕᕆᓗᐊᕈᒪᔪᓐᓃᓚᐅᖅᑐᒍᑦ, ᐊᒻᒪᓗ ᑐᔪᕐᒥᕕᒃ ᓂᐅᕈᑎᒋᒐᑦᑎᒍᑦ ᐱᓕᕆᐊᒃᓴᐃᑦ ᐅᓄᖏᓐᓂᖅᓴᐅᓕᓚᐅᖅᑐᑦ ᐅᕙᑦᑎᓐᓄᑦ.”
ᐅᓪᓗᒥ, ᐊᕐᕚᖅᑑᖅ ᐱᒻᒪᕆᐅᔪᒥ ᓄᓇᓕᖕᓂ ᓇᖕᒥᓂᐅᔪᖅ. ᓇᖕᒥᓂᐅᔪᖅ ᐃᓕᓐᓂᐊᕐᕕᖕᒧᑦ ᐸᓯᒥ ᐊᐅᓚᑦᑎᔪᖅ ᐊᒻᒪᓗ ᒥᑦᑕᕐᕕᖕᒥ ᑳᓐᑐᕌᖃᖅᖢᑎᒃ, ᑖᒃᓯᓂ ᑲᔪᓯᑎᓚᐅᓪᓗᓂ ᐊᒻᒪᓗ ᓄᓇᓯᐅᑎᓂ−ᐊᑐᖅᑐᐊᕐᓂᕐᒥ ᐱᔨᑦᑎᕋᕐᓂᕐᒥ, ᐊᒻᒪᓗ ᓄᓇᓯᐅᑎᓂ−ᐊᖏᔪᓂ ᐊᐅᓚᑦᑎᓂᕐᒥ ᐊᐅᓚᑦᑎᓪᓗᑎᒃ ᐊᖅᑯᑎᓄᑦ ᐊᒻᒪᓗ ᐊᖅᑯᑎᖃᕐᕕᖕᓂ ᐊᖅᑭᒃᓱᐃᓂᕐᒧᑦ. ᐃᖏᕐᕋᔾᔪᑎᓂ ᐊᐅᓚᑦᑎᓪᓗᓂ ᐊᑭᑐᔪᖅ – ᐱᓗᐊᖅᑐᒥ ᐊᐅᓚᐅᓯᓕᕆᔨᓂ ᐸᐃᑉᐹᖃᖅᑐᓂ ᑲᓇᑕᒥ ᖃᓪᓗᓈᓂ – ᑭᓯᐊᓂᓕ ᐆᔪᑯᓗᒃᑲᑦ ᐱᓇᔪᐃᓐᓇᖅᑐᑦ, ᐊᐅᓚᐅᓯᓕᕆᔨᓂ ᐱᔨᑦᑎᕋᕐᓂᕐᒥ ᐊᑐᐃᓐᓇᐅᑎᑦᑎᓪᓗᑎᒃ ᓄᓇᓕᖕᓂ ᓇᖕᒥᓂᐅᔪᓄᑦ ᑕᐃᒪᐃᑦᑕᕆᐊᖃᕌᖓᒥ.
ᒨᓯᓯᐅᑉ ᓯᕗᓕᖅᑎᐅᓂᖓ ᓇᖕᒥᓂᓕᕆᓂᐅᑉ ᐅᖓᑖᓅᓚᐅᖅᑐᖅ. ᐃᒃᐱᐊᕐᔪᖕᒥ ᒪᐃᔭᒧᑦ ᓂᕈᐊᖅᑕᐅᓚᐅᖅᑐᖅ 1999−ᒥ – ᐊᒻᒪᓗᑦᑕᐅᖅ 2023−ᒥ – ᖁᕕᐊᓱᓚᐅᖅᑐᖅ ᓄᓇᕗᒻᒥ ᕿᒧᒃᓯᕕᒡᔪᐊᒥ ᓴᖅᑭᑎᑦᑎᖃᑕᐅᓂᕐᒥ, ᐅᖓᓯᒃᑐᒧᑦ ᕿᒧᒃᓯᖅᖢᑎᒃ ᓵᓚᒃᓴᕋᓱᒃᑐᑦ ᖁᕕᐊᓲᑎᖃᖅᖢᓂ ᐃᓄᐃᑦ ᐱᖅᑯᓯᖓᓂ ᐊᒻᒪᓗ ᐊᓐᓇᐅᒪᔪᓐᓇᕐᓂᖏᓐᓂ. ᑲᑐᑎᓪᓗᑎᒃ, ᒨᓯᓯ ᐊᒻᒪᓗ ᓯᐴᕋ ᓴᖅᑭᑦᑎᓚᐅᖅᑐᑦ ᓄᓇᓕᖕᓄᑦ ᑐᒃᓯᐊᕐᕕᖕᒥ, ᐊᒻᒪᓗ ᒨᓯᓯ ᑲᔪᓯᓯᒪᓪᓗᓂ ᐅᖃᐅᔾᔪᖅᓱᐃᓂᕐᒧᑦ ᑲᑎᒪᔨᐅᖃᑕᐅᓪᓗᓂ ᐹᕙᓐᓛᓐ ᓴᕕᕋᔭᒃᓴᓂ ᐅᔭᕋᒃᓯᐅᖅᑎᒃᑯᓐᓂ, ᐊᔭᐅᕆᓪᓗᓂ ᓄᓇᓕᖕᒥᐅᑕᓂ ᓴᓇᔨᑖᕐᓂᕐᒥ ᐊᒻᒪᓗ ᓇᖕᒥᓂᐅᔪᓄᑦ ᐱᕕᒃᓴᖃᕐᓂᕐᒥ ᕿᑭᖅᑖᓘᑉ ᐃᓗᐊᓂᓕᒫᖅ.
ᒨᓯᓯ ᐊᒻᒪᓗ ᓯᐴᕋ ᐃᑦᑐᖅᓯᐅᑎᑎᒍᑦ ᓄᖅᑲᖓᓂᕐᒥ ᐊᑐᕈᒪᓕᖅᑎᓪᓗᒋᑦ, ᕿᑐᕐᖓᖏᑦ ᐊᕐᕚᖅᑑᖅ ᓇᖕᒥᓂᐅᔪᒥ ᐱᓕᕆᒃᑲᐅᓂᖓᓂ ᑲᔪᓯᑎᑦᑎᓂᐊᕆᕗᑦ, ᑲᔪᓯᓗᑎᒃ ᐃᒃᐱᐊᕐᔪᖕᒥᐅᑦ ᓄᓇᓕᖕᒥᐅᑕᖏᓐᓂ ᐱᔨᑦᑎᕋᕐᓗᑎᒃ ᑕᐃᒪᓐᓇᑎᒋ ᐱᔪᒪᓂᖃᖅᑎᒋᔪᒥ ᓇᖕᒥᓂᖓᓂ ᐱᒋᐊᖅᑎᑦᑎᓂᕆᓚᐅᖅᑕᖓᓂ ᐊᑕᐅᓯᕐᒥ ᑖᒃᓯ ᐅᓄᖅᓯᒋᐊᖅᐸᓪᓕᐊᓂᖓᓄᑦ ᑐᙵᕕᒋᔭᐅᓕᖅᖢᓂ ᓄᓇᓕᐅᑉ ᐃᓕᖅᑯᓯᖓᓂ. ᐊᐱᕆᔭᐅᒐᒥ ᖃᓄᖅ ᐅᖃᐅᔾᔪᐃᒐᔭᕐᓂᖓᓂ ᓄᑖᓂ ᓇᖕᒥᓂᖃᓕᓵᖅᑐᓂ, ᒨᓯᓯ ᐅᖃᓪᓚᒃᑐᖅ ᐊᑐᓚᐅᖅᑕᓂ ᐊᑐᖅᖢᒍ:
“ᐅᓄᖅᑐᓂ ᐊᔪᕐᓇᕈᑎᑕᖃᕐᓂᐊᖅᑐᖅ, ᑕᐃᒪᐃᒻᒪᑦ ᓯᕗᓪᓕᖅᐹᒥ ᐊᔪᕐᓇᖅᓯᒃᐸᑦ ᓴᐱᓕᖅᑕᐃᓕᒋᑦ, ᓯᕗᓂᑦᑎᓐᓂ ᐱᕕᒃᓴᖅᑕᖃᒃᑲᓐᓂᕐᓂᐊᖅᑐᖅ ᐊᒻᒪᓗ ᐊᑐᓂ ᐊᔪᕐᓇᕈᑎᐅᔪᑦ ᐋᖅᑭᒃᑯᕕᒋᑦ ᐊᑲᐅᓯᓂᐊᖅᑐᑎᑦ.”
“ᑭᓱᑐᐃᓐᓇᐃᑦ ᐸᐃᑉᐹᓕᕆᓃᑦ ᒐᕙᒪᒃᑯᓐᓄᑦ ᐅᕝᕙᓘᓐᓃᑦ ᐃᖅᑲᖅᑐᐃᕕᓕᕆᔨᒃᑯᓐᓄᑦ ᐱᓕᕆᔭᕆᐊᖃᖅᑐᑦ ᐊᒻᒪᓗ ᐊᖑᒻᒪᑎᓯᒪᓗᑎᒃ.”
ᑖᒃᓯᒥ ᓄᓇᐃᓐᓇᕐᒦᑦᑐᒥ ᓇᖕᒥᓂᐅᔪᒧᑦ ᓄᓇᓕᖕᓂ ᐊᐅᓚᔾᔭᒃᑎᑦᑎᔪᓐᓇᖅᑐᒧᑦ, ᐊᕐᕚᖅᑑᖅ ᓇᖕᒥᓂᖅ ᒪᑭᑕᔪᖅ ᖁᕕᐊᓇᖅᑑᓪᓗᓂ ᐆᒃᑑᑎᐅᓪᓗᓂ ᖃᓄᑎᒋ ᑕᑯᑎᑦᑎᔪᓐᓇᕐᓂᖓᓂ ᐃᓱᒪᒋᔭᐅᔪᒥ, ᐊᒃᓱᕈᕐᓂᐅᔪᒥ, ᐊᒻᒪᓗ ᐅᑭᐅᖅᑕᖅᑐᒥ ᐊᓂᒍᐃᑦᑎᐊᕈᓐᓇᕐᓂᕐᒥ ᐃᖅᑲᓇᐃᖅᓯᔪᓐᓇᕐᓂᖓᓂ.
ᐆᒧᖓᓕ ᑎᐊᑦ ᐃᕐᓂᖅᒧᑦ, ᓄᓇ ᐊᒻᒪ ᐃᒪᖅ ᐃᓅᓯᖓᑕ ᐃᓚᑐᐃᓐᓇᕆᙱᒻᒪᒋᑦ – ᑭᓯᐊᓂᓕ ᑭᓇᐅᓂᖓᓂ ᓇᓗᓇᐃᒃᑯᑎᒋᔭᖏᑦ, ᒪᒥᓴᕐᕕᖏᑦ ᐊᒻᒪ ᖃᓄᐃᓕᐅᕈᒪᓕᕈᑎᖏᑦ. ᐃᓅᓂᑰᓪᓗᓂ ᐅᐃᕖᒧᑦ ᑲᓇᑕᒥᐅᑕᒧᑦ ᐊᓈᓇᖓᓄᑦ ᐊᒻᒪ ᐃᓄᖕᒥ ᐊᑖᑕᖃᖅᖢᓂ, ᑎᐊᑦ ᐱᕈᕐᓂᑯ ᑲᖏᖅᖠᓂᕐᒥ ᓯᓚᒥ ᖃᓄᐃᓕᐅᖃᑦᑕᐃᓐᓇᖅᓯᒪᓪᓗᓂ ᐊᒻᒪ ᐃᓕᖅᑯᓯᕆᔭᐅᔪᒥ ᐊᑐᖅᖢᓂ ᐃᓱᒪᒋᔭᖃᑦᑎᐊᖅᖢᓂ ᓄᓇᒥ. ᔭᓗᓇᐃᒧᙵᓕᓚᐅᖅᓯᒪᔪᖅ ᐃᓕᓐᓂᐊᕐᕕᐊᓗᖕᒥ ᐊᓂᒍᐃᓇᓱᒃᖢᓂ ᐊᒻᒪ ᓄᓇᓯᐅᑎᓂ ᓱᕋᒃᓯᒪᔪᓂ ᓴᓇᔨᐅᔭᖅᑐᖅᖢᓂ, ᐊᒻᒪ ᑭᖑᓂᐊᒍᑦ ᐃᖃᓗᖕᓄᑦ ᐊᔪᕈᓐᓃᖅᓴᖅᑕᖓ ᑲᔪᓯᑎᓐᓇᓱᒃᖢᓂᐅᑦ, ᑕᐃᒪᓕ ᑎᐊᑦ ᖃᐅᔨᑦᑎᐊᓕᓚᐅᖅᑐᖅ ᐃᖅᑲᓇᐃᔭᕐᕕᒃ ᖁᕕᐊᒋᓗᐊᙱᓐᓂᖓᓂ – ᑭᓯᐊᓂᓕ ᓄᓇᐃᓐᓇᕐᒦᑲᑕᒃᖢᓂ.
ᐃᑲᔪᖅᑐᖅᑕᐅᓯᒪᑦᑎᐊᖅᖢᓂ ᓄᓕᐊᕐᒥᓄᑦ ᓲᓂᐊᒧᑦ ᐊᒻᒪ ᕿᑐᕐᖓᖏᓐᓂ ᒪᕐᕉᖕᓂ ᑯᓘᐃ ᐊᒻᒪ ᐋᑕᒻ, ᑎᐊᑦ ᐊᓯᐊᓂ ᐱᓇᓱᐊᓕᓚᐅᖅᓯᒪᔪᖅ, ᓄᓇᐃᓐᓇᕐᒦᖃᑦᑕᕐᓂᖓ ᐊᑐᖅᖢᓂᐅᒃ ᓄᓇᕗᑦ ᓄᓇᐃᓐᓇᖓᓂ ᑕᒪᓐᓇᓗ ᐊᓯᒥᓄᑦ ᖃᐅᔨᒪᔭᐅᑎᑦᑐᒪᓪᓗᓂᐅᒃ. ᐱᒋᐊᓚᐅᙱᓐᓂᖓᓂ ᓇᖕᒥᓂᖅ ᐱᓕᕆᐊᖓ, ᑎᐊᑦ ᐊᕙᑎᓕᕆᔨᒃᑯᑦ ᐱᓕᕆᔾᔪᑎᓕᕆᓂᕐᒥᒃ ᐱᓕᕆᐊᖃᓚᐅᖅᑐᖅ, ᐃᓕᓐᓂᐊᖅᑎᑦᑎᕙᒃᖢᓂ ᐃᓅᓱᒃᑐᓂᒃ ᐃᓅᓇᓱᖕᓂᕐᒥ ᓯᓚᐃᓐᓇᕐᒥ, ᐊᒻᒪᓗ ᐊᕐᕌᒍᓂ ᐱᖓᓱᓂ ᑐᑭᒧᐊᖅᑎᑦᑎᔨᐅᓪᓗᓂ ᐅᒥᐊᕐᔪᐊᕌᓗᖕᒥ ᐃᓄᖕᓂ ᐅᓯᕙᒃᑐᓂ One Ocean, ᐃᓚᖃᖅᖢᓂ ᐊᓚᔅᒥᐅ ᕿᑭᖅᑖᓗᖕᒥ ᐊᒻᒪ ᒪᕐᕉᖕᓂ ᐋᓐᑖᑎᑲᒥ. ᐅᑯᐊ ᐱᓕᕆᐊᕆᓂᑯᖏᑦ ᐃᑲᔪᓚᐅᖅᑐᖅ ᐊᔪᕈᓐᓃᖅᐹᓪᓕᕈᑎᒋᓪᓗᓂᐅᒃ ᐱᔨᑦᑎᕋᐅᑎᓕᕆᓂᕐᒥ ᐊᒻᒪᓗ ᑐᑭᓯᕚᓪᓕᖅᖢᓂ ᐳᓛᖃᑦᑕᖅᑐᑦ ᖃᓄᐃᑦᑐᓂ ᑕᑯᔪᒪᖃᑦᑕᕐᒪᖔᑕ: ᓄᓇᓂ ᐃᓄᖕᓂᓪᓗ ᐃᒃᐱᒋᔭᖃᕐᓂᖅᓴᐅᔪᓐᓇᕐᓗᑎᒃ.
2017−ᒥ ᑎᐊᑦ ᐱᒋᐊᖅᑎᑦᑎᓚᐅᖅᑐᖅ ᑎᑭᑉᐳᒍᑦ ᑎᒥᖁᑖ−ᒥ, ᐃᓚᒋᐊᖅᖢᓂᐅᒃ ᑲᒻᐸᓂᓂ 2021−ᒥ. ᐱᒋᐊᕐᓂᑰᓪᓗᓂ ᐊᑕᐅᓯᕐᒥ ᐅᒥᐊᖃᖅᖢᓂ, ᖃᒧᑕᐅᔭᖃᖅᖢᓂ, ᖃᒧᑎᓪᓗ, ᐊᒻᒪᓗ ᓴᓇᕈᑎᓂ ᐊᑐᖃᑦᑕᕆᐊᓕᖕᓂ ᐱᕈᖅᓯᒪᓕᖅᑐᖅ ᐊᖏᒡᓕᕙᓪᓕᐊᓪᓗᓂ ᐃᓄᐃᑦ ᓇᖕᒥᓂᕆᓕᖅᖢᓂᐅᒃ ᐊᒻᒪ ᐱᕙᓪᓕᐊᔾᔪᑎᐅᓪᓗᓂ ᓄᓇᐃᓐᓇᕐᒧᑦ ᐊᐅᓪᓛᑎᑦᑎᕙᒃᖢᓂ. ᐅᓪᓗᒥ, ᑎᑭᑉᐳᒍᑦ ᐊᐅᓚᑦᑎᓕᖅᑐᖅ ᒪᕐᕉᖕᓂ ᐃᓄᖕᓂ ᐅᓯᖃᑦᑕᖅᑐᓂ ᐅᒥᐊᕐᓂ, 9−ᓂ ᖃᒧᑕᐅᔭᓂ, ᐊᒻᒪ ᐃᖅᑲᓇᐃᔭᖅᑎᑦᑎᕙᒃᖢᑎᒃ ᐱᖓᓱᓂ ᐃᓄᖕᓂ ᓄᓇᖃᖅᑐᓂ – ᐱᓗᐊᖅᑐᒥ ᐳᓛᕐᓇᖅᓯᔭᕌᖓᑦ. ᐅᑯᐊ ᑐᑭᒧᐊᖅᑎᑦᑎᔨᒋᔭᐅᔪᑦ, ᐊᔪᕈᓐᓃᖅᓴᖅᓯᒪᔪᑦ ᐋᓐᓂᖅᑐᓂ ᑲᒪᒋᔭᖃᕈᓐᓇᕐᓂᕐᒥᒃ ᐊᒻᒪ ᐊᐅᓚᑦᑎᔪᓐᓇᖅᖢᑎᒃ ᒥᑭᑦᑐᓂᒃ ᐅᒥᐊᕐᓂ, ᐊᔪᒋᔾᔪᑎᖏᑦ ᐊᑐᖅᑕᑐᐊᕆᙱᖦᖢᓂᔾᔪᒃ ᑭᓯᐊᓂᓕ ᐃᓕᖅᑯᓯᖏᓐᓂ ᖃᐅᔨᑎᑦᑎᕙᒃᖢᑎᒃ ᑕᒪᒃᑯᐊᓗ ᐳᓛᖅᓯᒪᔪᑦ ᐃᓕᑦᑎᔪᒪᑦᑎᐊᖅᐸᒃᖢᑎᒃ. “ᑮᓇᐅᔭᓕᐅᕐᓇᓂᖅᓴᐅᖕᒪᑦ ᐊᐅᓪᓚᖅᑎᑦᑎᔨᐅᔪᑦ ᐱᓕᕆᖃᑕᐅᑦᑎᐊᕐᓗᑎᒃ ᐊᒻᒪ ᖃᓄᐃᓕᐅᕈᓯᕐᓂ ᐅᓂᒃᑲᐅᓯᖃᕈᓐᓇᖅᖢᑎᒃ,” ᑎᐊᑦ ᖁᖓᑦᑐᖅ ᐅᖃᖅᖢᓂ.
ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᐱᒃᑯᓕᓯᒪᔪᑦ ᐃᑲᔪᖅᑐᐃᓯᒪᓂᖏᓐᓂᒃ ᑎᐊᑦᒥ ᐱᓕᕆᐊᖃᖅᐸᓪᓕᐊᑎᓪᓗᒍ. ᑮᓇᐅᔭᑎᒍᑦ ᐃᑲᔪᖅᑐᐃᕙᖕᓂᒃᑯᑦ ᐊᒻᒪ ᑐᑭᒧᐊᖅᑕᐅᓂᒃᑯᑦ ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᐃᑲᔪᖅᓯᒪᔪᑦ ᑎᑭᑉᐳᒍᑦ ᐱᖁᑎᒃᓴᑎᒍᑦ ᐱᕈᖅᐸᓪᓕᐊᓂᖓᓄᑦ ᐱᓕᕆᐊᖓ. ᐃᑲᔪᖃᑕᐅᓯᒪᒋᓪᓗᓂ ᑲᑭᕙᒃ ᑲᑐᔾᔨᖃᑎᒌᖏᑦ ᐊᒻᒪ CanNor, ᐅᑯᐊ ᐃᑲᔫᑎᒋᔭᐅᔪᑦ ᑎᐊᑦᒥ ᐱᓕᕆᐊᖓᓂ ᐱᕈᖅᐸᓪᓕᐊᑎᑦᑎᓇᓱᒃᑎᓪᓗᒍ ᑖᓐᓇᓗ ᐳᓚᕋᖅᑐᓕᕆᓂᕐᒧᑦ ᐃᑲᔪᒻᒪᕆᒃᖢᓂ ᐊᒻᒪ ᓄᓇᖃᖅᑐᓂᒃ ᐃᖅᑲᓇᐃᔭᖅᑎᑦᑎᖃᑦᑕᖅᖢᓂ.
ᓇᖕᒥᓂᖅ ᐱᓕᕆᐊᒥ ᐊᐅᓚᑦᑎᓪᓗᓂ ᓄᓇᕗᒻᒥ ᐊᒃᓱᕈᓐᓇᓕᖃᑦᑕᕐᒥᔪᖅ. ᓚᐃᓴᓐᓯᑖᕋᓱᖕᓂᖅ, ᐸᐃᑉᐹᓕᕆᑲᑕᖕᓂᖅ ᐊᒻᒪᓗ ᐃᓂᒃᓴᑦᑎᐊᕙᒃᓴᒥ ᕿᓂᕋᓱᖕᓂᖅ ᐊᒻᒪᓗ ᑲᒪᒋᔭᕆᐊᓕᖕᓂ ᑲᒪᒋᔭᖃᕐᕕᒃᓴᓂ ᐅᓄᖅᓯᕙᓪᓕᐊᓂᖏᓐᓄᑦ ᐱᖁᑎᖏᑦ. ᑭᓯᐊᓂᓕ ᓲᓂᐊ – ᑮᓇᐅᔭᓕᕆᔨᐅᕙᒃᑐᖅ, ᐸᐃᑉᐹᓕᕆᔨᐅᓪᓗᓂ ᑎᑎᕋᕆᐊᓕᖕᓂ ᐊᒻᒪ ᐊᐅᓚᑦᑎᔨᐅᓪᓗᓂ ᐊᒻᒪᓗ ᐊᓯᐊᓂ ᐃᖅᑲᓇᐃᔮᖃᕆᓪᓗᓂ – ᐃᑲᔪᖅᓯᒪᓪᓚᕆᒃᑐᖅ ᑖᓐᓇ ᐱᓕᕆᐊᖓ ᐃᖏᕐᕋᑦᑎᐊᖏᓐᓇᖁᓪᓗᒍ.
ᑎᐊᑦ ᐊᒃᑐᐃᓂᖃᖅᓯᒪᔪᖅ ᐳᓚᕋᖅᑐᓕᕆᓂᐅᑉ ᐅᖓᑎᒃᑲᓐᓂᐊᓂ. ᐅᒃᐱᕈᓱᒃᑲᒥ ᐃᑲᔪᕆᐊᖃᕐᓂᕐᒥ ᐃᑲᔪᖃᑦᑕᖅᑐᓂ, ᐃᓄᒃᓯᐅᑎᓂ ᓂᕿᓂ ᐱᓇᓱᒃᐸᒃᑐᖅ ᓄᓇᐃᓐᓇᕐᒦᑎᓪᓗᒍ ᐊᒻᒪ ᑐᓐᓂᖅᑯᑎᒋᕙᒃᖢᓂᒋᑦ ᓂᕿᑖᕐᕕᖕᓄᑦ, ᐃᓐᓇᑐᖃᕐᓄᑦ, ᐊᖏᕐᕋᖃᙱᑦᑐᒃᑯᕕᖕᓄᑦ, ᐊᒻᒪ ᐊᓯᖏᓐᓄᑦ ᑭᓱᖃᙱᑦᑐᓄᑦ. ᓄᓇᒥᓂ ᐊᓂᕈᓱᖕᓂᖓ ᓇᓗᓇᙱᑦᑐᖅ ᐱᒻᒪᕆᐅᒋᔭᖏᑦᑎᒍᑦ ᐱᓕᕆᐊᖓᓄᓪᓗ ᐃᖏᕐᕋᔾᔪᑎᒋᓪᓗᓂᐅᒃ: ᐃᓄᖕᓂ ᐃᓱᒪᒋᔭᖃᑦᑎᐊᕐᓂᖅ, ᐃᓕᖅᑯᓯᖓᓂ, ᐊᒻᒪ ᓄᓇᒥ.
“ᐊᕐᕌᓂ ᓄᕙᒡᔪᐊᕐᓇᖅ-19 ᐊᒃᓱᕈᕐᓇᖅᑐᐊᓘᓚᐅᖅᑐᖅ,” ᑎᐊᑦ ᐃᖅᑲᐅᒪᔪᖅ, “ᑭᓯᐊᓂᓕ ᓄᓇᓕᖕᓂ ᓄᓇᓖᑦ, ᓇᖕᒥᓂᖅ ᐱᓕᕆᐊᕆᔭᐅᔪᑦ, ᐊᒻᒪᓗ ᒐᕙᒪᒃᑯᑦ ᐃᑲᔪᖅᑐᐃᓯᒪᓚᐅᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂ ᐊᐅᓪᓚᕈᔾᔨᕙᖕᓂᒃᑯᑦ. ᑕᐃᒪᓐᓇᓗ ᐱᓕᕆᐊᖓ ᐃᖏᕐᕋᐃᓐᓇᓚᐅᖅᖢᓂ.”
ᓯᕗᒧᑦ ᑕᐅᑐᒃᖢᓂ, ᑎᐊᑦ ᑕᒪᑐᒨᓇ ᐃᒻᒥᓂ ᑕᑯᖁᑎᓗᐊᙱᑦᑐᖅ ᑭᓯᐊᓂᓕ ᑲᔪᓯᑦᑎᐊᕐᓂᐊᕋᓱᒋᔪᖅ. “ᖃᓄᐃᙱᑦᑐᒍᑦ – ᑮᓇᐅᔭᓕᐊᓘᙱᖦᖢᑕ ᑭᓯᐊᓂ ᖃᓄᐃᙱᑦᑐᒍᑦ. ᐸᕐᓇᒃᐸᓪᓕᐊᔪᒍᑦ ᐅᐱᕐᖔᒧᑦ ᒫᓐᓇ, ᐃᓱᒪᓪᓗᑕᓗ ᓯᕗᓂᒃᓴᕗᑦ ᐱᐅᓂᐊᕋᓱᒋᓪᓗᑎᒍᑦ.” ᑮᓇᐅᔭᓕᐅᕋᓱᒃᐸᒃᑐᓄᑦ ᑐᓴᐅᒪᖁᔨᔪᖅ ᑮᓇᐅᔭᓕᐅᕋᓱᒃᐸᓪᓕᐊᔪᓂ ᐃᓱᒪᒋᔭᖓᓂ: “ᓇᖕᒥᓂᖅ ᐱᓕᕆᐊᖃᕋᓱᓕᖅᖢᓂ ᐊᒃᓱᕈᕐᓇᖅᑐᐊᓗᒃ, ᓱᒃᑲᐃᖢᓂᓗ. ᑕᒪᓐᓇ ᑲᔪᓯᑎᑐᐃᓐᓇᕐᓗᒍ, ᐃᓚᖏᑦ ᓈᒻᒪᙱᓕᐅᕈᑎ ᐊᑐᑐᐃᓐᓇᕐᓗᓂ, ᐅᑕᕿᑦᑎᐊᕈᓐᓇᕐᓗᑎᑦ. ᐃᓕᖕᓂ ᐱᓕᕆᑏᓐᓇᕋᓱᒡᓗᑎᑦ, ᑭᓯᐊᓂᓕ ᐊᒃᓱᓗᐊᕌᓘᙱᑦᑐᖅ ᓄᖅᑲᑎᓕᑐᐃᓐᓇᕆᐊᖃᕋᕕᑦ.”
ᐅᕙᓂ ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᓐᓂ, ᐱᒃᑯᒋᔭᖃᖅᑐᒍᑦ ᐃᑲᔪᖅᑐᐃᕙᖕᓂᕐᒥ ᐃᓄᖕᓂ ᑮᓇᐅᔭᓕᐅᕋᓱᒃᐸᒃᑐᓂᒃ ᐆᑐᓇᖅ ᑎᐊᑦ ᐃᕐᓂᖅᑎᑐᑦ – ᐱᓇᓱᒍᒪᕙᒃᑐᑦ ᓇᖕᒥᓂᖅ ᐱᓕᕆᐊᖏᓐᓂ ᐱᕈᖅᑎᑦᑎᕙᓪᓕᐊᔪᑦ ᐃᓕᖅᑯᓯᖏᓐᓂ ᑐᙵᕕᖃᖅᖢᑎᒃ, ᐃᓱᒪᒋᔭᖃᑦᑎᐊᕐᓂᕐᒥ, ᐊᒻᒪᓗ ᐃᓱᒪᒋᔭᖃᑦᑎᐊᓪᓚᕆᖕᓂᕐᒥ ᓄᓇᕗᒥᑦ ᓄᓇᓂ ᐃᓄᖕᓂᓪᓗ.